دایەنگەی خه‌ونی منداڵانی ناحكومی فیستیڤاڵی ساڵانه‌ی خۆی ئه‌نجامدا
ڕۆژی هه‌ینی، 4ی 5ی 2018، به ئاماده‌بوونی به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و خاوه‌ن‌و دایك‌و باوكی منداڵانی دایه‌نگه، دایه‌نگه‌ی خه‌ونی منداڵان فیستیڤاڵی ساڵانه‌ی خۆی له بازاڕی هاوچه‌رخی ماجیدی مۆڵ ئه‌نجامدا.
له فیستیڤاڵه‌كه‌ی دایه‌نگه‌كه‌ی خه‌ونی منداڵان سه‌رجه‌م چالاكییه هونه‌رییه‌كانی منداڵانی له‌ماوه‌ی ڕابردوودا نمایشكران‌و ستافه‌كانی دایه‌نگه‌ش به كاری هونه‌ری‌‌و پێشكه‌شكردنی خواردن فیستیڤاڵه‌كه‌یان ده‌وڵه‌مه‌ند كردبوو.
جێی ئاماژه‌یه بڕیاره داهاتی ئه‌م فیستیڤاڵه بۆ به‌رژه‌وه‌ندی منداڵانی بێ سه‌رپه‌رشت خه‌رج بكرێت.
|