یادی ٢١ ساڵەی دامەزراندنی كۆمەڵەی كورتە باڵایانی كوردستان كرایه‌وه
تەواوبوونی چەند یەكەیەكی نیشتە جێبوون راگەنرا :
یادی ٢١ ساڵەی دامەزراندنی كۆمەڵەی كورتە باڵایانی كوردستان كرایه‌وه
كۆمەڵەی كورتە باڵایانی كوردستان یادی دامەزراندنی كۆمەڵەكەیان پیرۆز دەكەن و تەواو بوونی چەند یه‌كەیەكی نیشتە جێبوونیش رادەگەیەنن كه له‌لایه‌ن خێرخوازانه‌وه ئه‌نجامراون .
٢٦ ی نۆڤەمبەر، لەمەراسێمكێدا كە بە ئامادەبوونی عومه‌ر گوڵپی، بەرێوەبەری گشتی چاودێریی‌‌و گەشەپێدانی كۆمەڵایەتی له پارێزگای سلێمانی‌و د.ئاسۆ فه‌ره‌یدون پارێزگاری سلیمانی‌و ژماره‌یه له بەرپرسانی حزبی‌و حكومی‌و بەشێك لە سەرمایەداران‌و وەبەرهینەران‌و رێكخراوەكانی كەمئەندامان‌و كەناڵەكانی میدیایی یادی ٢١ ساڵەی دامەزراندنی كۆمەڵەی كورتەباڵاكان لە سلێمانی پیرۆزكراو هاوكات مژدەی تەواوبوونی پرۆژەی چەند یەكەیەكی نیشتەجێبوون لە ناو تەلاری كۆمەڵەكە ڕاگەیەنرا.
هەر لە مەراسیمەكەدا، به‌ناوی به‌ڕێوه‌به‌رایه‌تی گشتی‌‌و وه‌زاره‌تی كارو كاروباری كۆمه‌ڵاه‌تییه‌وه، عومه‌ر گوڵپی چەپكە گوڵی پیرۆزبایی پیشكەش بە كۆمەڵەكە كرا. دواتریش بەكردنەوەی پرۆژەی نیشتەجێبوونەكە كۆتایی بە مەراسیمەكە هات.
راگەیاندنی بەڕیوەبەرایەتی گشتی چاودێری و گەشەپێدانی كۆمەڵایەتی له پارێزگای سلێمانی.
|