كۆبوونه‌وه‌یه‌كی تایبه‌ت به هه‌ڵسه‌نگانی ڕه‌وشی ماڵه‌كان‌و ڕه‌شنوسی پڕۆژه‌ی پاڵپشتی ماڵه‌كان به‌ڕێوه‌چوو
ڕۆژی چوارشه‌ممه، 28ی 3ی 2018، به سه‌رپه‌رشتی به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و ئاماده‌بوونی به‌ڕێزان خاتوو ڕازاو عه‌بدوڵڵا میرزا، به‌ڕێوه‌به‌ری چاودێری كۆمه‌ڵایه‌تی سلێمانی به وه‌كاله‌ت‌و ڕێبوار ڕه‌سوڵ، به‌رپرسی به‌شی یاسای دیوان‌و سۆران سه‌عدی، به‌رپرسی به‌شی پلان‌و ئاره‌زوو غه‌فوور، به‌رپرسی به‌شی پارێزگاری خێزان‌و
هیوا ڕه‌حمان، به‌رپرسی به‌شی دایه‌نگه‌كان‌و ئاراس ناصر، به‌رسی هۆبه‌ی كاری كۆمه‌ڵایه‌تی‌‌و نیان ئیبراهیم، به‌رپرسی ماڵی كچان‌و چۆپی عه‌لی، به‌رپرسی ماڵی ساوایان‌و ئیبراهیم ته‌یب، به‌رپرسی ماڵی كوڕان‌و به‌ناز كه‌ریم، به‌رپرسی ماڵی به‌ساڵاچووان له دیوانی به‌ڕێوه‌به‌رایه‌تی گشتی كۆبوونه‌وه‌یه‌كی تیابه‌ت به‌ڕێوه‌چوو.
كۆبوونه‌وه‌كه تایبه‌ت بوو به ڕه‌وشی ژیانی منداڵان‌و به‌ساڵاچووان له ماڵه‌كان، هه‌روه‌ها گفتوگۆی ڕه‌شنوسی پڕۆژه‌ی پێشنیاركراوی ڕێكخراوی منداڵپارێزی كوردستان بۆ پشتیوانی له ماڵه‌كانی منداڵان، له كۆبوونه‌وه‌كه چه‌ند بڕیارێكی گرنگ دران سه‌باره‌ت به ڕه‌وشی ماڵه‌كان‌و به‌رده‌وامی‌‌و باشتركردنی خزمه‌تگوزاری له ماڵه‌كانی مندالان‌و به‌ساڵاچووان.
|