به‌ڕێوه‌به‌ری گشتی پێشوازی له منداڵانی دایه‌نگه‌كانى جاف تاوه‌رو شاری نه‌ورۆز ده‌كات‌و دایەنگەیەی به‌رزاییه‌كانی قه‌یوان به فه‌رمی ده‌كاته‌وه
به‌ڕێوه‌به‌ری گشتی له نووسینگه‌ی تایبه‌تی خۆی له به‌ڕێوه‌به‌رایه‌تی گشتی پێشوازی له به‌ڕێوه‌به‌رو ژماره‌یه‌ك له منداڵانی دایه‌نگه‌كانى جاف تاوه‌رو شاری نه‌ورۆزی ناحكومی كردو دایه‌نگه‌ی به‌رزاییه‌كانی قه‌یوانیش به فه‌رمی ده‌كاته‌وه.
پاش گرتنه‌به‌ری ڕێوشوێنه یاساییه‌كان‌و پابه‌ندی به سیستمی دایه‌نگه‌كان‌و ڕێنماییه‌كانی دایه‌نگه‌و بڕیاره‌كانی به‌ڕێوه‌به‌رایه‌تی گشتیه‌وه، دایه‌نگه‌ی به‌رزاییه‌كانی قه‌یوان به فه‌رمی مۆڵه‌تی كاركردنی وه‌رگرت‌و به‌ڕووی منداڵانی پڕۆژه‌كه‌دا كرایه‌وه.
ڕۆژی دووشه‌ممه، 19ی 3ی 2018، به ئاماده‌بوونی به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی‌‌و مافناس هیوا ڕه‌حمان، به‌رپرسی به‌شی دایه‌نگه‌كان‌و خاتوو گه‌ڵاڵه به‌رپرسی هۆبه‌ی میلاكات‌و ئه‌ندامی لیژنه‌ی سه‌رپه‌رشتی دایه‌نگه‌كان‌و خاوه‌ن‌و به‌رێوه‌به‌ری دایه‌نگه‌و ژماره‌یه‌ك له كارمه‌ندان‌و به‌رپرسانی پڕۆژه‌ی به‌رزاییه‌كانی قه‌یوان، دایه‌نگه‌ی به‌رزاییه‌كانی قه‌یوانی ناحكومی به فه‌رمی كرایه‌وه.
پاش كردنه‌وه‌ی دایه‌نگه‌كه به‌ڕێوبه‌ری گشتی‌‌و هاوڕێكانی هۆڵ‌و به‌شه جیاوازه‌كانی دایه‌نگه‌ی به‌سه‌ركرده‌وه‌و ده‌ستخۆشی له دایه‌نگه كرد كه به شێوه‌یه‌كی باش سه‌ره‌تای كاریان دامه‌زراندوه، هه‌روه‌ك ده‌ستخۆشی له لیژنه‌كانی سه‌رپه‌رشتی‌‌و به‌شی دایه‌نگه‌كان كرد كه مه‌رج‌و ڕێنماییه پێویسته‌كان به‌سه‌ر دایه‌نگه‌كاندا به‌بێ جیاوازی پێشكه‌ش ده‌كه‌ن، هیواشی خواست دایه‌نگه بتوانێت ژینگه‌یه‌كی ته‌ندروست بۆ گه‌شه‌ی منداڵان بره‌خسێنن.
له هه‌مان ڕۆژدا به‌ڕێز به‌ڕێوه‌به‌ری گشتی پێشوازیكرد له خاوه‌ن‌و به‌ڕێوه‌به‌رو مامۆستاو ژماره‌یه‌ك له منداڵانی دایه‌نگه‌كانی جاف تاوه‌رو شاری نه‌ورۆزی ناحكومی كه به‌مه‌به‌ستی پیرۆزبایی نه‌ورۆز سه‌ردانی دیوانی به‌ڕێوه‌به‌رایه‌تی گشتیان كردبوو.