به‌ڕێیوه‌به‌رایه‌تی گشتی سوپاسی چه‌ند دایه‌نگه‌یه‌ك ده‌كات به‌هۆی پابه‌ندییان به یاساو ڕێنماییه‌كانه‌وه
به پێی نووسراوه‌كانی ژماره (824) له 12ی 3، (870) له 19ی 3ی 2018، كه له به‌شی دایه‌نگه‌كان ده‌رچووه‌و واژۆی به‌ڕێز به‌ڕێوه‌به‌ری گشتی له‌سه‌ره، به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی سلێمانی سوپاس‌و ده‌ستخۆشی ئاراسته‌ی دایه‌نگه‌كانی (گه‌شه)و (قه‌یوانی سیتی)ی ناحكومی ده‌كات به‌هۆی پابه‌ندییان به یاساو ڕێنماییه‌كان كارپێكراوه‌كان و بڕیاره‌كانی به‌ڕێوه‌به‌رایه‌تی گشتیه‌وه.
به پێی ئه‌نجامی به دواداچوونی لیژنه‌كانی سه‌رپه‌رشتی له به‌شی دایه‌نگه‌كانی به‌ڕێوه‌به‌رایه‌تی گشتی كه به شێوه‌ی به‌رده‌وام به‌دواداچوون بۆ كاری دایه‌نگه‌كان ده‌كه‌ن، له دوو هه‌فته‌ی ڕابردوودا ده‌ركه‌وتووه هه‌ردوو دایه‌نگه‌ی ناوبراوی سه‌ره‌وه به باشی پابه‌ندی یاساو ڕێنمایی‌‌و بڕیاره‌كان بوون له كاره‌كه‌یاندا هه‌ربۆیه پێشنیاری سوپاسیان بۆ كردوون، له هه‌مانكاتدا له كاتی بوونی كه‌م‌و كورتی له دایه‌نگه‌كاندا به‌شی دایه‌نگه‌كان سزای دایه‌نگه ده‌دات یان ئاگاداری ده‌كاته‌وه له كه‌م‌و كورتییه‌كانی به پێی جۆری سه‌رپێچی‌‌و كه‌م‌و كورتی دایه‌نگه‌كه.
له ڕێگه‌ی تیمی شاره‌زاو تایبه‌ته‌وه، به‌شی دایه‌نگه‌كانی به‌ڕێوه‌به‌رایه‌تی گشتی به به‌رده‌وامی سه‌رپه‌رشی دایه‌نگه‌كان ده‌كات‌و ڕێنماییان ده‌كات بۆ كاری باشترو دروستكردن‌‌و ڕه‌خساندنی ژینگه‌یه‌كی ته‌ندروست بۆ گه‌شه‌ی منداڵ.
|