به‌ڕێوه‌به‌ری گشتی: گرنگه به‌رنامه خێرخوازییه‌كان ڕه‌چاوی هه‌ست‌و سۆزی ئه‌و كه‌سانه بكه‌ن كه كاریا بۆ ده‌كه‌ن
له به‌شداریكردنی به‌رنامه‌ی شه‌قامی ڕادیۆ نه‌وا، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی داوای كرد كه خێرخوازان‌و سه‌رمایه‌داران‌و ئه‌و كه‌سانه‌ی به‌كه‌مپینی كۆكردنه‌وه‌ی هاوكاری هه‌ڵده‌ستن ڕه‌چاوی به‌ها مرۆییه‌كان بكه‌ن‌و هه‌ست‌و سۆزی ئه‌و كه‌سانه ڕاگرن كه سودیان پێ ده‌گه‌یه‌نن.
ئه‌مڕۆ پێنجشه‌ممه، 22ی 2ی 2018، میوانی به‌رنامه‌ی شه‌قامی ڕادیۆ نه‌وا بوو، كه ته‌وه‌ری به‌رنامه‌كه تایبه‌ت بوو به كه‌مپین‌و هه‌ڵمه‌ته‌كانی كۆكردنه‌وه‌ی هاوكارییه‌كان‌و تیایدا جه‌ختی كرده‌وه كه پێویسته له‌كاتی به‌ڕێوه‌چوو ئه‌و به‌رنامانه‌دا هه‌موو لایه‌ك ئاگایان له‌وه بێت كه مرۆڤ خاوه‌نی شكۆی خۆیه‌تی‌‌و نابێت ڕێزو شكۆی مرۆڤ بڕوشێنرێت به هاوكاریكردنی‌‌و پێویسته به جۆرێك هاوكارییه‌كان دابه‌ش بكرێن ڕه‌چاوی هه‌ستی هه‌ژاران بكه‌ن‌و مافه‌كانیان بپارێزن به‌تایبه‌ت بۆ منداڵان.
http://www.radionawa.com/ku/show-detail.aspx?jimare=1
|