كۆبوونەوەی ئاسایی بۆردی پاراستنی منداڵ له دیوانی به‌ڕێوه‌به‌رایه‌تی گشتی به‌ڕێوه‌چوو
ڕۆژی دووشه‌ممه، 19ی 2ی 2018، به سه‌رپه‌رشتی به‌ڕێز م.ئاراس ناصر، به‌رپرسی هۆبه‌ی كاری كۆمه‌ڵایه‌تی له به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی كۆبوونه‌وه‌ی ئاسایی بۆردی پاراستنی منداڵ له ئاستی پارێزگای سلێمانی به‌ڕێوه‌چوو.
له كۆبوونه‌وه‌كه‌دا به‌ڕێز م.سامان موحه‌ممه‌د عه‌لی، به‌رپرسی سه‌نته‌ری پاراستنی مندڵ له به‌ڕێوه‌به‌رایه‌تی چاودێری كۆمه‌ڵایه‌تی ده‌ربه‌ندیخان سیمینارێكی بۆ ئاماده‌بووان پێشكه‌شكرد له‌باره‌ی ئه‌و گرفتانه‌ی ڕووبه‌ڕووی هاووڵاتیان‌و به‌تایبه‌ت منداڵان بووه‌ته‌وه له سنوری ده‌ربه‌ندیان‌و ده‌وروبه‌ری به‌هۆی كاریگه‌رییه‌كانی دۆخی پاش بوومه‌له‌رزه، سیمیناره‌كه به‌هێزكرابوو به داتاو زانیاریی تایبه‌ت به دۆخ‌و ژیانی منداڵانی ئاواره‌و ناوخۆ له‌نێوخۆی ده‌ربه‌ندیخان و ده‌وروبه‌ری‌‌و تیایدا پڕۆژه پێشنیاری چۆنیه‌تی وه‌ڵامدانه‌وه‌ی خواسته‌كانی منداڵان‌و خێزانه‌كانیان خرابوویه ڕوو.
بۆردی پاراستنی منداڵ، بۆردێكی فه‌رمییه‌و پێكهاتووه له‌سه‌رجه‌م ئه‌و لایه‌نه حكومی‌‌و ناحكومییانه‌ی له ئاستی پارێزگای سلێمانی كار بۆ منداڵ‌و پاراستنی ده‌كه‌ن‌و له‌لایه‌ن به‌ڕێوه‌به‌رایه‌تی گشتیه‌وه سه‌رپه‌رشتیده‌كرێت‌و تیایدا گفتوگۆ له‌سه‌ر كاره هاوبه‌شه‌كان‌و ئه‌و كارانه ده‌كه‌ن كه‌بۆ منداڵان ده‌كرێت هه‌روه‌ك دۆسیه‌و كێشه ئاڵۆزه‌كانیش تاوتوێ ده‌كه‌ن‌و چاره‌سه‌ری گونجاو پێشنیار ده‌كه‌ن.
|