كۆبوونه‌وه‌ی مانگانه‌ی پڕۆژه‌ی پاراستنی منداڵ به‌ڕێوه‌چوو
ئه‌مڕۆ چوارشه‌ممه، 24ی شوباتی 2016، به ئاماده‌بوونی سه‌رجه‌م سه‌رپه‌رشتیارو توێژه‌رو كارمه‌ندان، پڕۆژه‌ی پاراستنی منداڵ كۆبوونه‌وه‌ی مانگانه‌ی خۆی له دیوانی به‌ڕێوه‌به‌رایه‌تی گشتی ئه‌نجامدا .
له سه‌ره‌تای كۆبوونه‌وه‌كه‌دا ئاره‌زوو غه‌فوور، لێپرسراوی به‌شی چاودێریی خێزان له به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی و سه‌رپه‌رشتیاری گشتی پڕۆژه، وته‌یه‌كی پێشكه‌شكرد كه تیایدا هه‌ڵسه‌نگاندنی بۆ كاره‌كانی مانگێكی ڕابردووی پڕۆژه‌كه خسته ڕوو له هه‌رسێ شاری سلێمانی‌‌و ده‌ربه‌ندیخان‌و چه‌مچه‌ماڵ، له پێناو پێشخستنی كاره‌كانیشدا چه‌ند ڕێگایه‌كی نوێی خسته به‌رده‌م ئاماده‌بووان به‌تایبه‌ت له بواری گواستنه‌وه‌ی كه‌یسه‌كان‌و چۆنییه‌تی مامه‌ڵه‌كردن له‌گه‌ڵ فۆرمه‌كانی هه‌ڵسه‌نگاندن .
هه‌ر له كۆبوونه‌وه‌كه‌دا هه‌ریه‌كه له سه‌رپه‌رشتیاران‌و توێژه‌ران بۆچوونی خۆیان له پێناو پێشخستی كاره‌كانی پڕۆژه‌‌و چالاكییه‌كانیدا خسته ڕوو .
پڕۆژه‌ی پاراستنی منداڵ پڕۆژه‌یه‌كی هاوبه‌شی نێوان ڕێكخراوی یونسێف‌و به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تییه‌و خزمه‌ت به منداڵانی ئاواره ده‌كات، له‌لایه‌ن به‌شی چاودێریی خێزانیشه‌وه پێشنیاری ئه‌وه كراوه كه منداڵانی نێوخۆی كوردستانیش بێبه‌ش نه‌كرێن له‌و پڕۆژه‌یه به‌تایبه‌ت له ئێسته‌دا كه كوردستان به بارودۆخێكی خراپی گوزه‌راندا تێپه‌ڕ ده‌بێت به‌هۆی قه‌یرانی داراییه‌وه، له‌و باره‌یه‌وه‌ش چاوه‌ڕوانی وه‌ڵامی ڕێكخراوی یونسێف ده‌كه‌ن .
|