به ئاماده‌بوونی به‌ڕێوه‌به‌ری گشتی، هه‌ردوو به‌ڕێوه‌به‌رایه‌تی به‌ره‌نگاربوونه‌وه‌ی توندوتیژی‌‌و ماڵی داڵده‌دانی ئافره‌تانی هه‌ڕه‌شه‌لێكراو كۆبوونه‌وه
ڕۆژی چوارشه‌ممه، 7ی 2ی 2018، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌لایه‌تی له پارێزگای سلێمانی سه‌ردانی به‌ڕێوه‌به‌رایه‌تی به‌ره‌نگاربوونه‌وه‌ی توندوتیژی دژی ژنان له سلێانی كردو له‌لایه‌ن بەڕێزان كاك عه‌مید سه‌ركه‌وت عومه‌ر، به‌ڕێوه‌به‌رو ژماره‌یه‌ك له ئه‌فسه‌رو به‌رپرسانی به‌ڕێوه‌به‌رایه‌تییه‌وه پیشوازیانلێكرا.
ئامانجی سه‌ردانه‌كه ئه‌نجامدانی كۆبوونه‌وه‌ی ئاسایی ژماره(1)ی ساڵی 2018ی نێوان به‌ڕێوه‌به‌رایه‌تی گشتی‌‌و به‌ڕێوه‌به‌رایه‌تی ناوبراو بوو كه تیایدا باس له هه‌ماهه‌نگی‌‌و چۆنیه‌تی چاره‌سه‌ری كێشه‌كان‌و باشتركردنی دۆخی پاراستنی ئافره‌تان ده‌كرێت‌و به‌رنامه‌و پلان بۆ به‌رزركردنه‌وه‌ی ئاستی هه‌ماهه‌نگی داده‌نرێت.
له كۆبوونه‌وه هاوبه‌شه‌كه‌دا هه‌ریه‌كه له به‌ڕێزان خاتوو ئه‌ڵوه‌ن عه‌بدولغه‌فوور، یاریده‌ده‌ری به‌ڕێوه‌به‌ری گشتی‌‌و خاتوو ئاره‌زوو غه‌فوور، به‌رپرسی به‌شی پارێزگاری خێزان‌و خاتوو پرشنگ كه‌ریم، به‌رپرسی هۆبه‌ی په‌یوه‌ندییه‌كان‌و خاتوو شیلان عه‌لی، به‌رپرسی ماڵی داڵده‌دانی ئافره‌تانی هه‌ڕه‌شه‌لێكراو له به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌لایه‌تی سلێمانی ئاماده‌یبوون، له به‌ڕێوه‌به‌رایه‌تی به‌ره‌نگاربوونه‌وه‌ی توندوتیژی دژی ژنانیش به‌ڕێزان كاك عه‌مید سه‌ركه‌وت عومه‌ر، به‌ڕێوه‌به‌رو كاك ڕائید هێمن، به‌رپرسی سه‌ته‌ری ڕاوێژكاری خێزانی‌‌و مولازم ڕاز، ئه‌فسه‌ر له سه‌نته‌ری ڕاوێژكاری خێزانی سه‌ر به به‌ڕێوه‌به‌رایه‌تی به‌ره‌نگاربوونه‌وه‌ی توندوتیژی.
جێی ئاماژه‌یه ئه‌م كۆبوونه‌وه‌یه كۆبوونه‌وه‌یه‌كی خولی نێوان به‌ڕێوه‌به‌رایه‌تی گشتی‌‌و به‌ڕێوه‌به‌رایه‌تی به‌ره‌نگاربوونه‌وه‌ی توندوتیژی دژی خێزانه‌و هه‌موو سێ مانگ جارێك ئه‌نجامده‌درێت.
|