به‌مه‌به‌ستی ئاماده‌كاریی بۆ وه‌ڵامدانه‌وه‌ی داواكاری لیژنه‌كانی وردبینی لیسته‌كانی مووچه، به‌ڕێوه‌به‌رایه‌تی گشتی كۆبوونه‌وه‌یه‌كی تایبه‌تی ئه‌نجامدا
ڕۆژی یه‌كشه‌ممه، 4ی 2ی 2018، به سه‌په‌رشتی به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌لایه‌تی‌‌و ئاماده‌بوونی به‌ڕێزان به‌ڕێوه‌به‌ری كارگێڕی‌‌و به‌رپرسی به‌شه‌كانی ژمێریاری و وردبینی‌‌و به‌ڕێوه‌به‌ری فه‌مانگه‌كانی سنوری كاری به‌ڕێوه‌به‌رایه‌تی گشتی‌‌و به‌رپرس‌و كارمه‌ندانی هۆبه‌كانی ژمێریاری و وردبینی خۆیه‌تی له به‌ڕێوه‌به‌رێتییه‌كان، له دیوانی به‌ڕێوه‌به‌رایه‌تی گشتی كۆبوونه‌وه‌یه‌كی تایبه‌ت به ئاماده‌كاری وه‌ڵامدانه‌وه‌ی داواكاری لیژنه‌كانی وردبینی به‌غدا به‌ڕێوه‌چوو.
له كۆبوونه‌وه‌كه‌دا سه‌رجه‌م به‌ش‌و هۆبه‌و كارمه‌ندان ڕاسپێردران له زووترین كاتدا لیستی مووچه‌ی كارمه‌ندانی سنوری به‌ڕێوه‌به‌رایه‌تی گشتی ئاماده‌بكرێت به‌وجۆره‌ی كه له فۆرمی ئاماده‌كراودا هاتووه وه‌ك ئاماده‌كارییه‌ك بۆ وه‌ڵامدانه‌وه‌ی داواكاری وه‌زاره‌ت‌و لیژنه‌كانی وردبینی به‌غدا كه بڕیاروایه له ڕۆژانی ئاینده‌دا سه‌ردانی به‌ڕێوه‌به‌رایه‌تی گشتی بكه‌ن به‌مه‌به‌ستی وردبینی دۆسه‌و لیسته‌كانی مووچه.
ئه‌م كۆبووه‌یه پاش كۆبونه‌وه‌ی ڕۆژی پێنجشه‌ممه، 1ی 2ی 2018 ی دیوانی وه‌زاره‌تی كارو كاروباری كۆمه‌ڵایه‌تی هات كه تیایدا هه‌مان بابه‌ت تاووتوێكراو بڕیاردرا له زووترین كاتدا به‌ڕێوه‌به‌رایه‌تی گشتی‌‌و فه‌رمانگه‌كانیان ئه‌وه‌ی پێویسته له‌باره‌ی داواكارییه‌كانه‌وه له زووترین كاتدا ئه‌نجامیبده‌ن.
|