به‌ڕێوه‌به‌رایه‌تی گشتی یه‌كه‌م كۆبوونه‌وه‌ی ساڵی 2018ی ئه‌نجامدا
ڕۆژی دووشه‌ممه، 22ی 1ی 2018، به سه‌رپه‌رشتی به‌ڕێز به‌ڕێوه‌به‌ری گشتی‌‌و به ئاماده‌بوونی یاریده‌ده‌رانی به‌ڕێوه‌به‌ری گشتی‌‌و به‌ڕێوه‌به‌ری كارگێڕی‌‌و به‌رپرسی به‌شه‌كان، ئه‌نجومه‌نی دیوانی به‌رێوه‌به‌رایه‌تی گشتی یه‌كه‌م كۆبوونه‌وه‌ی ساڵی 2018ی خۆی ئه‌نجامدا.
ته‌وه‌ری سه‌ره‌كی كۆبوونه‌وه‌كه تایبه‌ت بوو به گفتوگۆی كاره‌كانی ساڵی 2018ی به‌ڕێوه‌به‌رایه‌تی گشتی‌‌و راسپاردنی به‌رپرسی به‌شه‌كان‌و به‌پرس‌و هۆبه‌كانی تر به دانانی پلانی كاری ساڵی 2018، به‌تایبه‌ت پاش ئه‌وه‌ی له 15ی 1ی 2018 ه‌وه ڕێنمایی نوێی چۆنیه‌تی خه‌رجی نه‌سریه‌ی مانگانه له‌لایه‌ن وه‌زاره‌تی داراییه‌وه ده‌رچوو، پاش گفتوگۆی ته‌واوی ته‌وه‌ره‌كان‌و كێشه‌و گرفته‌كان، كۆبوونه‌وه‌كه گه‌یشته چه‌ند بڕیارێك.
جێی ئاماژه‌یه، دیوانی به‌ڕێوه‌به‌رایه‌تی گشتی به شێوه‌یه‌كی ڕێك‌و پێك‌و له كاتی خۆیدا ساڵانه 12 كۆبوونه‌وه‌ی ئه‌نجومه‌نی به‌ڕێوه‌به‌رایه‌تی ئه‌نجامده‌دات‌و تیایدا به‌رنامه داده‌نرێت‌و هه‌ڵسه‌نگاندن بۆ كاره‌كان ده‌كرێت‌و چاره‌سه‌ر بۆ گرفته‌كان ده‌دۆزرێته‌وه، ئه‌م كۆبوونه‌وه‌یه كۆبوونه‌وه‌ی ژماره(1)ی ساڵی 2018 بوو.
|