بە ئامادەبوونی به‌ڕێوه‌به‌ری گشتی، دایه‌نگه‌ی (مه‌ریه‌م)ی ناحكومی كرایه‌وه
ڕۆژی چوارشه‌ممه، 17ی 1ی 2018، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به ئاماده‌بوونی به‌ڕێزان قه‌شه ئه‌یمه‌ن عه‌زیز هورمز، سه‌رپه‌رشتیاری كه‌نیسه‌ی ماریوسف له سلێمانی‌‌و به‌ڕێزان م.عوسمان حه‌مه‌فه‌ره‌ج، به‌ڕێوه‌به‌ری كارگێڕی دیوانی به‌ڕێوه‌به‌رایه‌تی گشتی‌‌و مافپه‌روه‌ر هیوا ڕه‌حمان، به‌رپرسی به‌شی دایه‌نگه‌كان‌و به‌ڕێزانی خاوه‌ن‌و به‌ڕێوه‌به‌رو مامۆستاو ستافی دایه‌نگه، دایه‌نگه‌ی (مه‌ریه‌م)ی ناحكومی به فه‌رمی كرایه‌وه.
له وته‌كه‌یه‌كیدا بۆ ستافی دایه‌نگه سه‌ره‌ڕای پیرۆزبایی له كردنه‌وه‌ی دایه‌نگه‌كه‌یان، به‌ڕێز به‌ڕێوه‌به‌ری گشتی ئاماژه‌ی به هه‌ستیاری‌‌و بایه‌خی كاركردنی دایه‌نگه كرد له خزمه‌تكردنی منداڵان‌و گه‌شه‌پێدانی توانا جه‌سته‌یی‌‌و ژیرییه‌كانیان‌و فێركردنی ڕه‌فتاره په‌سه‌نده‌كان لای منداڵ له‌و قۆناغه هه‌ستیاره‌ی ته‌مه‌ندا، هه‌روه‌ك هیوای خواست دایه‌نگه‌ی مه‌ریه‌م وه‌كچۆ ناوه‌كه‌ی گه‌وره‌و پیرۆزو به‌ڕێزه به هه‌مانشێوه ناوه‌ڕۆكه‌كه‌شی له ئاست ناوه‌كه‌یدابێت.
هەر لە بۆنەكەدا بەڕێوه‌به‌رو مامۆستاو ستافی دایه‌نگه، به‌رنامه‌و پلانی دایه‌نگه‌كه‌یان بۆ په‌روه‌رده‌كردن‌و پێگه‌یاندن‌و گه‌شه‌ی منداڵان بۆ ئاماده‌بووان خسته‌ڕوو.
دایه‌نگه‌ی مه‌ریه‌م، دایه‌نگه‌یه‌كی ناحكومییه‌و ده‌كه‌وێته گردی ئه‌ندازیاران‌و له ئێسته‌دا ده‌رگای به‌ڕووی منداڵانداكراوه‌یه‌‌و له چوارچێوه‌ی یاساو ڕێنماییه‌كانی وه‌زاره‌تی كارو كاروباری كۆمه‌ڵایه‌تیدا كاره‌كانی به‌ڕێده‌كات‌و به‌شی دایه‌نگه‌كانیش له به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی سلێمانی كاری سه‌رپه‌رشتیكردن‌و چاودێری دایه‌نگه‌كان له ئه‌ستۆ ده‌گرێت.
|