به‌ڕێوه‌به‌ری گشتی بۆ توێژه‌رانی پڕۆژه‌ی خێزانی جێگره‌وه: پێویسته هه‌موومان له ئاست گه‌وره‌یی ئامانجی پڕۆژه‌كه‌دابین
ڕۆژی دووشه‌ممه، 8ی 1ی 2018، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به هاوڕێیه‌تی به‌ڕێز مافناس سه‌رنج حه‌مه‌سه‌عید، به‌ڕێوه‌به‌ری چاودێری كۆمه‌ڵایه‌تی سلێمانی‌‌و كاك پشتیوان موحه‌ممه‌د، به‌رپرسی هۆبه‌ی پاراستنی منداڵ له دیوانی به‌ڕێوه‌به‌رایه‌تی گشتی، هۆبه‌ی خێزانی جێگره‌وه‌ی له به‌ڕێوه‌به‌رایه‌تی چاودێری كۆمه‌ڵایه‌تی سلێمانی به‌سه‌ركرده‌وه‌‌و له نزیكه‌وه گوێی له م.موحه‌ممه‌د عه‌لی، به‌رپرسی هۆبه‌ی خێزانی جێگره‌وه گرت كه هه‌نگاوو و پلانه جێ به‌جێكراوه‌كانی پڕۆژه‌كه‌ی خسته‌ڕوو، هه‌روه‌ك بڕیاری پێویستیش بۆ چاره‌سه‌ری گرفته‌كان وه‌رگیرا.
له وته‌یه‌كیدا به‌ڕێز به‌ڕێوه‌به‌ری گشتی بۆ توێژه‌رانی پڕۆژه‌ی خێزانی جێگره‌وه وتی :" پڕۆژه‌ی خێزانی جێگره‌وه به‌هۆی پیرۆزی ئامانجه‌كانیه‌وه جێگه‌ی بایه‌خی ئێمه‌یه كه خۆی له فریادڕه‌سیدا ده‌بینێته‌وه بۆ منداڵان، هه‌ربۆیه پێویسته هه‌موومان له ئاست گه‌وره‌یی ئه‌و ئامانجانه‌دابین" ، هه‌ر له وته‌كه‌یدا به‌ڕێز به‌ڕێوه‌به‌ری گشتی جه‌ختی له سیاسه‌تی به‌ڕێوه‌به‌رایه‌تی گشتی‌‌و به‌ڕێوه‌به‌رێتییه‌كان كرده‌وه كه جه‌ختكردنه‌وه‌یه له‌سه‌ر بنه‌مای هاووڵاتیبون‌و بابه‌تیبوون‌و پیشه‌ییانه، خۆ دوور گرتن له هه‌ر كێبڕكێ‌‌و ململانێیه‌كی حزبی‌‌و سیاسی كه دامه‌زراوه‌كان تووشی وه‌ستان‌و په‌ككه‌وتن ده‌كات، هه‌روه‌ك هیوای خواست به‌ڕێوه‌به‌رو توێژه‌ران‌و كارمه‌ندانی پڕۆژه‌كه وه‌ك هه‌میشه به‌و په‌ڕی جیدییه‌ته‌وه كار بكه‌ن‌و له به‌رزترین ئاست‌و كوالێتیدا ئه‌ركه‌كانیان ئه‌نجامبده‌ن.
http://socialsuli.com/News.aspx?id=534&MapID=3
|