ئه‌م وێنانه‌ی ده‌یانبینن چالاكییه‌كانی ئه‌مڕۆ یه‌كشه‌ممه، 7ی 1ی 2018ی سه‌نته‌ری پاراستنی منداڵی سه‌ر به به‌ڕێوه‌به‌رایه‌تی چاودێری كۆمه‌ڵایه‌تی ده‌ربه‌ندیخانه كه له چوارچێوه‌ی پڕۆژه‌ی پاڵپشتی ده‌روونی‌‌و كۆمه‌ڵایه‌تی بۆ منداڵ‌و خێزان پێشكه‌ش به منداڵانی خانه‌خوێ‌‌و ئاواره‌ی ده‌كات.
به پێی داتاكان كه له به‌ڕێز سامان موحه‌ممه‌د عه‌لی، سه‌رپه‌رشتیاری تیمه‌كانی ده‌ربه‌نیخانه‌وه وه‌رگیراون:
ـ ئه‌و منداڵانه‌ی ئه‌مڕۆ هاتوونه‌ته سه‌نته‌ره‌كه‌و له ناوه‌ندی هاوڕێی منداڵ یارییه‌كانی تێنس‌و تۆپی پێ‌‌و تۆپی ده‌ست‌و باسكه‌و میكانۆیان كردووه بریتیبوون له 28 منداڵ، وه‌ك له وێنه‌كه‌دا ده‌رده‌كه‌وێت به‌هۆی بوومه‌له‌رزه‌وه له ژێر خێمه‌دا كارده‌كه‌ن بۆ منداڵان.
ـ له پاشنیوه‌ڕۆ گواستنه‌وه‌ی چالاكییه‌كان له سه‌نته‌ره‌وه بۆ خوێندنگه‌ی كۆبانێ كه له خوێندنگه‌كه نزیكه‌ی 50 منداڵ به‌شداربوون له چالاكییه‌كان.
ـ هه‌ر له پاشنیوه‌ڕۆ گواستنه‌وه‌ی چالاكییه‌كان بۆ خوێندنگه‌ی هه‌رسین‌و به‌شداری 275 منداڵ‌و 12 مامۆستا له چالاكی (یاریی ژیان) كه به شێوه‌ی ناڕاسته‌وخۆ منداڵ فێری پاك‌و خاوێنی، خۆشویستنی نیشتیمان، بوونی ئامانج، دڵپیس نه‌بوون، درۆنه‌كردن، ڕاستگۆیی و زۆر بابه‌تی تری په‌روه‌رده‌یی.
پڕۆژه‌ی پاڵپشتی ده‌روونی‌‌و كۆمه‌ڵایه‌تی منداڵ‌و خێزان پڕۆژه‌یه‌كی هاوبه‌شی نێوان به‌ڕێوه‌به‌رایه‌تی گشتی‌‌و ڕێكخراوی یونسێفه‌و له‌لایه‌ن به‌شه‌كانی پارێزگاری خێزان‌و پلانه‌وه له شاره‌كانی سلێمانی‌‌و چه‌مچه‌ماڵ‌و ده‌ربه‌ندیخان‌و ڕانیه‌و قه‌ڵادزێ به‌ڕێوه ده‌چێت‌و له‌لایه‌ن به‌شه‌كانی پلان‌و به دواداچوون‌و پارێزگاری خێزان سه‌رپه‌رشتی ده‌كرێت‌و توێژه‌رانی كۆمه‌ڵایه‌تی‌‌و ده‌روونی له دیوانی به‌ڕێوه‌به‌رایه‌تی گشتی‌‌و هێڵی 116ی منداڵان‌و به‌ڕێوه‌به‌رایه‌تییه‌كانی ده‌ربه‌ندیخان‌و چه‌مچه‌ماڵ‌و ڕانیه بۆ ساڵی سێیه‌م جێ به‌جێ ده‌كه‌ن.