به‌ڕێوه‌به‌ری گشتی به‌شداری كۆبوونه‌وه‌ی پارێزگاو به‌ڕێوه‌به‌ره‌گشتیه‌كان ده‌كات
ڕۆژی چوارشه‌ممه، 3ی 1ی 2018، له دیوانی پارێزگای سلێمانی، كۆبوونه‌وه‌ی پارێزگارو به‌ڕێوه‌به‌ره گشتییه‌كانی پارێزگای سلێمانی به‌ڕێوه‌چوو.
له كۆبوونه‌وه‌كه‌دا به‌ڕێز د.هه‌ڤاڵ ئه‌بوبه‌كر، پارێزگاری نوێی سلێمان باسی له چه‌ند ته‌وه‌رێكی جیاواز كرد به‌تایبه‌ت چۆنیه‌تی پێشخستنی پارێزگای سلێمانی‌‌و باشتركردنی ئه‌دای فه‌رمانگه‌و دامه‌زراوه خزمه‌تگوزارییه‌كان بۆ هاووڵاتیان‌و وه‌لانانی حزبایه‌تی‌‌و مامه‌ڵه‌كردن له‌سه‌ر بنه‌مای هاووڵاتیبوون.
له كۆبووه‌وه‌كه‌دا به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به وته‌یه‌ك به‌شداری كۆبوونه‌وه‌كه‌ی كردو سه‌ره‌تا پیرۆزبایی له پارێزگارو به‌ڕێوه‌به‌ره گشتیه نوێیه‌كان كردو هیوای سه‌ركه‌وتنی بۆ خواستن، دواتر باسی له كێشه‌و گرفته‌كان كرد له سنوری كاری به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تیدا، به‌تایبه‌ت كێشه‌ی مووچه‌كانی تۆڕی پاراستنی كۆمه‌ڵایه‌تی بۆ هاووڵاتیان خاوه‌ن پێداویستی تایبه‌ت‌و چاودێری خێزان كرد، هه‌روه‌ها به‌شێكی ته‌وه‌ره‌كانی كۆبوونه‌وه‌كه ته‌رخان بوو بۆ زیادكردنی ڕێژه‌ی لامه‌ركه‌زی‌‌و گه‌ڕاندنه‌وه‌ی ده‌سه‌ڵاتی زیاتر بۆ پارێزگارو به‌ڕێوبه‌ره گشتیه‌كان، هه‌ر له كۆبوونه‌وه‌كه‌دا كه‌می مووچه‌و دواكه‌وتنی‌‌و كه‌می پێشنه‌ی مانگانه‌ی فه‌رمانگه‌كان وه‌ك كێشه‌یه‌كی گه‌وره خرایه ڕوو.
كۆبوونه‌وه‌كه نزیكه‌ی دوو كاتژمێری خایاندو تیایدا بڕیاروایه به‌شێوه‌ی خولی ئه‌م كۆبوونه‌وانه به‌ڕێوه‌بچن.
|