+ وێنه: بەڕێوه‌به‌رایه‌تی گشتی چالاكییه‌كانی بۆ منداڵان ده‌باته كه‌مپی سورداش
به‌مه‌به‌ستی باشتر گه‌یاندنی چالاكیه په‌روه‌رده‌یی‌‌و هونه‌ری‌‌و وه‌رزشییه‌كانی پڕۆژه‌ی پاڵپشتی ده‌روونی‌‌و كۆمه‌ڵایه‌تی بۆ منداڵ‌و خێزان به‌شه‌كانی پارێزگاری خێزان‌و پلان‌و به‌دواداچوون ئه‌مڕۆ شوێنی تایبه‌ت به چالاكییه‌كانیان له كه‌مپی سورداش ده‌ستنیشانكرد.
ناوه‌ندی چالاكییه‌كان لە كەمپی سورداش به هه‌ڵدانی خێوه‌تێكی گه‌وره له‌لایه‌ن ستافه‌كانی به‌ڕێوه‌به‌رایه‌تی گشتیه‌وه ده‌ستی پێكرد كه له هه‌فته‌ی داهاتووه‌وه ئاماده‌یه بۆ پێشوازی له منداڵان‌و پشتگیریكرنیان له بواری ده‌روونی‌‌و كۆمه‌ڵایه‌تی‌‌و فێركردنیان له بواره جیاجیاكانی په‌روه‌رده‌و هونه‌رو وه‌رزشدا.
پڕۆژه‌ی پاڵپشتی ده‌روونی‌‌و كۆمه‌ڵایه‌تی منداڵ‌و خێزان پڕۆژه‌یه‌كی هاوبه‌شی نێوان به‌ڕێوه‌به‌رایه‌تی گشتی‌‌و ڕێكخراوی یونسێفه‌و له‌لایه‌ن به‌شه‌كانی پارێزگاری خێزان‌و پلانه‌وه له شاره‌كانی سلێمانی‌‌و چه‌مچه‌ماڵ‌و ده‌ربه‌ندیخان‌و ڕانیه‌و قه‌ڵادزێ به‌ڕێوه ده‌چێت‌و له‌لایه‌ن به‌شه‌كانی پلان‌و به دواداچوون‌و پارێزگاری خێزان سه‌رپه‌رشتی ده‌كرێت‌و توێژه‌رانی كۆمه‌ڵایه‌تی‌‌و ده‌روونی له دیوانی به‌ڕێوه‌به‌رایه‌تی گشتی‌‌و هێڵی 116ی منداڵان‌و به‌ڕێوه‌به‌رایه‌تییه‌كانی ده‌ربه‌ندیخان‌و چه‌مچه‌ماڵ‌و ڕانیه بۆ ساڵی سێیه‌م جێ به‌جێ ده‌كه‌ن.
|