په‌یمانگای هانا به‌رده‌وامه له‌سه‌ر ڕاهێنانی پیشه‌یی منداڵان‌و گه‌نجانی خاوه‌ن پێداویستی تایبه‌ت
ئه‌مڕۆ سێشه‌ممه، 12ی 12ی 2017، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به یاوه‌ڕی به‌ڕێزان م.موحه‌ممه‌د سه‌ید قادر، سه‌رپه‌رشتیاری په‌روه‌رده‌یی‌‌و م.سۆران سه‌عید، به‌رپرسی به‌شی پلان‌و به‌دواداچوون په‌یمانگای هانا بۆ ڕاهێنانی پیشه‌یی منداڵان‌و گه‌نجانی خاوه‌ن پێداویستی تایبه‌تی به‌سه‌ركرده‌وه.
له سه‌ردانه‌كه‌یدا به‌ڕێز به‌ڕێوه‌به‌ری گشتی به‌شه جیاجیاكانی په‌یمانگا به‌سه‌ركرده‌وه‌و له نزیكه‌وه چاوی به منداڵان‌و گه‌نجانی خاوه‌ن پێداویستی تایبه‌ت كه‌وت له هۆڵه‌كانی ڕاهێنان‌و فێركردن‌و له‌و كاته‌ی سه‌رقاڵی فێربوون بوون له‌به‌شه‌كانی جوانكاری، وێنه‌كێشان، كۆمپیوته‌رو دارتاشی‌‌و درومان.
له‌سه‌ردانه‌كه‌یدا به‌ڕێوه‌به‌ری گشتی ده‌ستخۆشی له به‌ڕێوه‌به‌ری مامۆستاو توێژه‌رو ڕاهێنه‌ران‌و كارمه‌ندانی دڵسۆزی كرد كه دڵسۆزانه كاره‌كانیان ئه‌نجامده‌ده‌ن، هیوای سه‌ركه‌وتنیشی بۆ فێرخوازه‌كانیان خواست.
|