ده‌ربه‌ندیخان ... تیمه‌كانی به‌ڕێوه‌به‌رایه‌تی كۆمه‌ڵایه‌تی به‌رده‌وامن له گه‌یاندنی هاوكارییه‌كان
له درێژه‌ی كاری تیمه‌كان له گه‌یاندنی ئه‌و هاوكارییانه‌ی به ده‌ستیان گه‌یشتبوو، ئه‌مڕۆ ژماره‌یه‌كی تر له منداڵان‌و خانه‌واده‌كانی زیانلێكه‌وتووی بوومه‌له‌رزه هاوكارییه‌كانیان به‌ده‌ست گه‌یشت.
ڕۆژی شه‌ممه، 25ی 11ی 2017، تیمه‌كانی پڕۆژه‌ی پاراستنی منداڵ له به‌ڕێوه‌به‌رایه‌تی چاودێری كۆمه‌ڵایه‌تی ده‌ربه‌ندیخان، 266 پاكێجی جل‌و به‌رگی زستانه‌یان گه‌یانده منداڵانی ته‌مه‌ن نێوان (1 بۆ 12 ساڵ).
پاكێجی جله‌كان منداڵانی گونده‌كانی هۆرێن، كانی كرمانج، حه‌ساری سه‌ر به شاره‌دێی مه‌یدان گرته‌وه‌و پێكدێن له پاكێجێكی ته‌واو له جل‌و به‌رگی ماڵه‌وه‌و ده‌ره‌وه‌ی زستانه بۆ منداڵان كه هه‌ر پاكێجێك پێكهاتووه له 12 پارچه.
گه‌یاندنی ئه‌م هاوكارییانه به‌شێكن له‌و پڕۆژه هاوبه‌شه‌ی كه به پشتیوانی ڕێكخراوی یونسێف به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی بۆ پشتبوانی زیانلیَكه‌وتووانی بوومه‌له‌رزه له شاری ده‌ربه‌ندیخان‌و ده‌وروبه‌ری جێ به‌جێی ده‌كات‌و كارمه‌نده‌كانی ده‌ربه‌ندیخان‌و به‌تایبه‌ت پڕۆژه‌ی پاراستنی منداڵ به‌وپه‌ڕی دڵسۆزانه‌و بابه‌تییانه‌و پیشه‌ییانه كاره‌كه ئه‌نجام ده‌ده‌ن.
|