به‌ڕێوه‌به‌ری گشتی پێشوازی له نوێنه‌رانی ڕێكخراوی DRC ی دانیماركی ده‌كات
ڕۆژی چوارشه‌ممه، 22ی 11ی 2017، به‌ڕێز م.عومه‌ر گوڵپی، به‌ڕێوه‌به‌ر گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی، پێشوازیكرد له هه‌ردوو به‌ڕێزان خاتوو نیگار سه‌ردار‌و خاتوو كۆشیار موحه‌ممه‌د، نوێنه‌رانی ئۆفیسی سلێمانی ڕێكخراوی (هاریكاری په‌نابه‌رانی دانیماركی - DRC ).
ئامانجی دیداره‌كه هاریكاری نێوان به‌ڕێوه‌به‌رایه‌تی گشتی‌‌و ڕێكخراوی ناوبراو بوو بۆ هێندێك پرس‌و پرۆژه‌ی هاوبه‌ش كه له داهاتوودا پێكه‌وه ئه‌نجامی بده‌ن، له‌و باره‌یه‌وه به‌ڕێز به‌ڕێوه‌به‌ری گشتی ئاماده‌یی به‌ڕێوه‌به‌رایه‌تی گشتی‌‌و به‌ڕێوه‌به‌رایه‌تییه‌كانی سنوری پارێزگای سلێمانی ده‌ربڕی بۆ هاوكاریو هه‌ماهه‌نگی له‌پێناو جێ به‌جێكردنی هه‌ر پڕۆژه‌یه‌ك كه كاریگه‌ری ئه‌رێنی هه‌بێت له‌سه‌ر ژیانی ئاواره‌و خه‌ڵكانی خانه‌خوێی سنوری پارێزگای سلێمانی.
|