به‌ڕێوه‌به‌ری گشتی پێشوازی له ڕێكخراوی (UNFPA) ده‌كات‌و گفتوگۆ له‌سه‌ر گرفته‌كانی شه‌ڵته‌ر ده‌كرێت
ڕۆژی سێشه‌ممه، 25ی 10ی 2017، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی به‌ئاماده‌بوونی به‌ڕێزان م.عوسمان حه‌مه‌فه‌ره‌ج، به‌ڕێوه‌به‌ری كارگێڕی‌‌و پرشنگ كه‌ریم، به‌رپرسی په‌یوه‌ندییه‌كان‌و سۆران سه‌عید، به‌رپرسی به‌شی پلان‌و هه‌ماهه‌نگی پێشوازی له خاتوو ئیندای ساجور، ڕاوێژكاری پڕۆگرامی ڕووبه‌ڕووبوونه‌وه‌ی توندوتیژی له‌سه‌ر بنه‌مای جێنده‌ر له ڕێكخراوی (UNFPA) كرد.
له دیداره‌كه‌دا باس له هه‌ماهه‌نگی نێوان دامه‌زراوه‌كانی حكومه‌ت‌و ڕێكخراوی ناوبراو كرا بۆ ڕووبه‌ڕووبوونه‌وه‌ی توندوتیژی له‌سه‌ر بنه‌مای جێنده‌ر له كوردستان، له‌و باره‌یه‌وه به‌ڕێز به‌ڕێوه‌به‌ری گشتی ئاماژه‌ی به جۆری توندوتیژییه‌كان كرد به‌رانبه‌ر ئافره‌ت له كوردستان‌و چۆنییه‌تی ڕووبه‌ڕووبوونه‌وه‌ی‌‌و توانایی دامه‌زراوه‌كانی پاراستنی ئافره‌ت‌و پێویستییان بۆ هاوكاریو پشتیوانی به‌تایبه‌ت له هه‌ردوو بواری ماددی‌‌و مه‌عنه‌وی.
هه‌روه‌ها به‌ڕێوه‌به‌ری گشتی ئاماده‌یی به‌ڕێوه‌به‌رایه‌تی گشتی‌‌و دامه‌زراوه‌كانی ده‌ربڕی بۆ پشتیگری له‌و پڕۆگرامه‌ی كه ڕێكخراوی صندوقی نه‌ته‌وه‌یه‌كگرتووه‌كان بۆ دانیشتوان (UNFPA) هه‌یه‌تی كه خۆی له ئاماده‌كردنی هه‌ڵسه‌نگاندنێكدا ده‌بنێته‌وه بۆ پێویستی دامه‌زراوه‌كانی حكومه‌ت له بواری ڕووبه‌ڕووبوونه‌وه‌ی توندوتیژی‌‌و به‌رزكردنه‌وه‌ی ئاستیان.
|