+ وێنه : چالاکییەکانی هاوڕێی ژینگەی منداڵ
به‌بۆنه‌ی كۆتا ڕۆژی چالاكییه‌كانی هاوڕێی ژینگه‌ی منداڵ، پڕۆژه‌ی پاراستنی منداڵ ئاهه‌نگێك بۆ منداڵانی به‌شداربوو سازده‌كات .
ڕۆژی سێشه‌ممه، 15ی شوباتی2016، به‌ی چاودێریی خێزان به هاوكاری ڕێكخراوی یونسێف‌و وه‌ك به‌شێك له پڕۆژه‌ی پاراستنی منداڵ‌و له كۆتا ڕۆژه‌كانی چالاكییه‌كانی هاوڕێی ژینگه‌ی منداڵ ئاهه‌نگێكی له خوێندنگه‌ی ڕه‌حیق له سلێمانی سازكرد.
له‌و ئاهه‌نگه‌كه‌دا كه هه‌یه‌ریه‌كه له ئاره‌زوو غه‌فوور لێپرسراوی به‌شی چاودێریی خێزان‌و سۆران سه‌عید لێپرسراوی به‌شی پلان‌و ئاراس ناسر لێپرسراوی هۆبه‌ی توێژینه‌وه‌و پشتیوان موحه‌ممه‌د لێپرسراوی هۆبه‌ی پاراستنی منداڵ‌و ژماره‌یه‌ك له ستافی به‌ڕێوه‌بردن‌و مامۆستایانی خوێندنگه‌ی ڕه‌حیق ئاماده‌ی بوون، چه‌ند چالاكییه‌كی هونه‌ری‌‌و هه‌مه‌ڕه‌نگ بۆ منداڵانی به‌شداربوو ئه‌نجامدرا، سه‌ره‌ڕای دابه‌شكردنی دیاریی به‌سه‌ر منداڵانی به‌شداربوو.
شایانی باسه پڕۆژه‌ی پاراستنی منداڵ پڕۆژه‌یه‌كی هاوبه‌شی نێوان به‌ڕێوه‌به‌رایه‌تی گشتی چاودێریی خێزان‌و ڕێكخراوی یونسێفه‌و تیایدا هاوكاری ده‌روونی‌‌و كۆمه‌ڵایه‌تی‌‌و دارایی ئه‌و منداڵانه ده‌كرێت كه به‌هۆی دۆخی شه‌ره‌وه ئاواره بوون یان ڕووبه‌ڕووی توندوتیژی ده‌روونی یان جه‌سته‌یی بوونه‌ته‌وه .
|