به‌ڕێوه‌به‌رایه‌تی گشتی ڕێبه‌ری دایه‌نگه حكومی‌‌و ناحكومییه‌كان دروست ده‌كات
له پێناو كارئاسانی بۆ هاووڵاتیان‌و دایكان‌و باوكانی منداڵانی دایه‌نگه، ڕاگه‌یاندنی به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به هاوكاری به‌شی دایه‌نگه‌كان هه‌ڵده‌ستێت به دروستكردنی ڕێبه‌رێك بۆ دایه‌نگه حكومی‌‌و ناحكومییه‌كان‌و تیایدا سه‌رجه‌م زانیارییه‌كانی په‌یوه‌ست به دایه‌نگه بۆ دایكان‌و باوكان ده‌خرێته ڕوو.
ئامانجی ڕێبه‌ره‌كه په‌یڕه‌ویكردنه له سیستمی به‌ڕێوه‌بردنی زیره‌ك كه به‌شێكی گه‌وره‌ی په‌یوه‌ندی به شه‌فافییه‌ت‌و به‌كارهێنانی ته‌كنه‌لۆجیاوه هه‌یه، ئه‌وه‌ش به سودو قازانج بۆ هاووڵاتیان ده‌شكێته‌وه‌و ده‌بێته هۆی به‌رچاوڕوونیان به‌رانبه‌ر دامه‌زراوه‌كان‌و خێرایی له كار.
ڕێبه‌ره‌كه‌به‌شێوه‌ی به‌رده‌وام له به‌شی یاساو ڕێنمایی سایتی به‌ڕێوه‌به‌رایه‌تی گشتی له‌به‌رده‌سته‌و تۆی خوێنه‌ریش بۆ وه‌رگرتن‌و خوێندنه‌وه‌ی ڕێبه‌ره‌كان كلیكی ئه‌م لینكانه‌ی خواره‌وه بكه:
|