ته‌رمی 25 هاووڵاتی گه‌یشته‌وه خاكی كوردستان
كاتژمێر 8ی ئه‌مشه‌و، 13ی شوباتی2016، ته‌رمی 25 قوربانی تری ڕێگه‌ی هه‌نده‌ران له ڕێگه‌ی فڕۆكه‌خانه‌ی نێوده‌وڵه‌ت هه‌ولێره‌وه گه‌یشته‌وه هه‌رێمی كوردستان .
به‌پێی لێدوانی به‌رپرسانی فیدراسیۆنی سه‌تاسه‌ری په‌نابه‌ران، ئه‌و قوربانیانه كه ئه‌مشه‌و گه‌یشتنه‌وه ژماره‌یان 25 كه‌سه‌و 6 له‌و هاووڵاتیانه خه‌ڵكی پارێزگای هه‌ولێرن‌و ئه‌وانی تریش خه‌ڵكی هه‌ردوو پارێزگای سلێمانی‌‌و هه‌ڵه‌بجه‌ن‌و دوو هه‌فته له‌مه‌وپێش به‌هۆی ڕووداوی شكان‌و وه‌رگه‌ڕانی یه‌خته‌كه‌یانه‌وه له ئاوی ئیجه‌ی سنوری نێوان توركیان‌و یۆنان گیانیان له ده‌ستدا .
سه‌عات 12ی شه‌ویش له كاتی گه‌یشتنه‌وه‌یان به شاری سلێمانی، له ده‌روازه‌ی شار له‌لایه‌ن خزم‌و كه‌سی قوربانیان‌و ژماره‌یه‌ك له به‌رپرسانی حكومه‌تی خۆجێی سلێمانی‌‌و ئه‌ندامانی په‌رله‌مان‌و ئه‌نجومه‌نی پارێزگای سلێمانییه‌وه پێشوازی له ته‌رمی قوربانیان كرا‌و بڕیاروایه سبه‌ی قوربانیان به خاك بسپێردرێن .
|