دایه‌نگه‌ی به‌كره‌جۆ خولێك بۆ دایكان‌و باوكانی منداڵ ده‌كاته‌وه‌‌و دایه‌نگه‌ی چوارباخیش هه‌ڵمه‌تێكی پاككردنه‌وه به‌ڕێوه ده‌به‌ن
به‌مه‌به‌ستی ئاشناكردنی دایكان‌و باوكان‌و به شێوازی كاری دایه‌نگه‌و چۆنیه‌تی ڕاهێنانی منداڵه‌كانیان له‌سه‌ر ژیانی دایه‌نگه‌و مانه‌وه‌یان، ڕۆژی چوارشه‌ممه، 4ی 10ی 2017، خاتوو دڵخواز عه‌بدوڵڵا، به‌ڕێوه‌به‌رو خاتوو دونیا حه‌مه‌عه‌لی، توێژه‌ری دایه‌نگه‌ی به‌كره‌جۆ خولێكیان بۆ ئه‌و دایك‌و باوكانه كرده‌وه كه منداڵه‌كانیان بۆ یه‌كه‌مجار ده‌هێننه دایه‌نگه، خوله‌كه‌ش مایه‌ی ڕه‌زامه‌ندی دایكان‌و باوكانی به‌شداربوو بوو.
هه‌روه‌ها ڕۆژی دووشه‌ممه، 9ی 10ی2017، به‌سه‌رپه‌رشتی خاتوو به‌یان گۆرگیس، به‌ڕێوه‌به‌ری دایه‌نگه، مامۆستاو توێژه‌رو كارمه‌ندانی دایه‌نگه‌ی چوارباخ هه‌ستان به پاككردنه‌وه‌ی دایه‌نگه‌كه‌یان وه‌ك خۆئاماده‌كردن بۆ وه‌رگرتنی منداڵی زیاتر له ساڵی نوێی كاردا‌و وه‌رگرتنی منداڵی نوێ.
|