گه‌لی زیندوو ڕێز له سه‌ركرده‌كانی ده‌نێت
"گه‌لی زیندوو ڕێز له سه‌ركرده‌كانی ده‌نێت"
به‌ڕێزان/ سه‌رجه‌م به‌رپرسان‌و كارمه‌ندانی دامه‌زاروه كۆمه‌ڵایه‌تییه‌كان له ناوشاری سلێمانی‌‌و ده‌ره‌وه‌ی شاری سلێمانی:
به‌مه‌به‌ستی به‌شداری له دوا ماڵئاوایی‌‌و مه‌راسیمی به خاكسپاردنی ته‌رمی سه‌ركرده‌ی دیاری كورد، سه‌رۆك مام جه‌لال تاڵهبانیو ڕێزلێنان له زیاتر له په‌نجا ساڵ خه‌بات‌و ته‌مه‌ن‌و قوربانیدانی ئه‌و تێكۆشه‌رو ڕابه‌ڕه گه‌وره‌یه بۆ گه‌له‌كه‌ی، سبه‌ی سه‌عات 8.30 بۆ 1ی پاشنیوه‌ڕۆ، شوێنی وه‌ستان‌و به‌شداریی سه‌رجه‌م به‌رپرس‌و كارمه‌ندانی به‌ڕێوه‌به‌رایه‌تییه‌كانی كۆمه‌ڵایه‌تی بریتییه له دوڕیانی به‌كره‌جۆ، نزیك ماجیدی مۆڵ له شارێی شه‌قامی سالم.
ئێمه دڵنیاین هه‌موو گه‌لی كوردو هاووڵاتیانی پارێزگای سلێمانی، به په‌رۆشه‌وه به‌شداری له مه‌راسیمی به‌خاكسپاردن‌و پرسه‌ی ئه‌م كۆسته گه‌وره‌یه ده‌كه‌ن هه‌ر كه‌سه‌و به‌ڕێگه‌و شێوازی خۆی، ئه‌م ئاگادارییه‌ی ئێمه بۆ ئێوه‌ی به‌ڕێز ته‌نها بۆ ڕێكخستنی شێوازی به‌شدارییه‌كه‌یه به‌جۆرێك شایسته بێت به سه‌ركرده‌یه‌كی وه‌ك مام جه‌لال تاڵهبانیو به‌خشش‌و ده‌ستكه‌وته‌كانی بۆ گه‌له‌كه‌ی.
انا لله وانا الیه راجعون
به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی
5ی 10ی 2017
|