هه‌ڵسه‌نگاندن بۆ پڕۆژه‌ی پاراستنی منداڵ له پارێزگای سلێمانی ده‌كرێت
به‌مه‌به‌ستی هه‌ڵسه‌نگاندنی كاری مانگێكی ڕابردووی پڕۆژه‌ی پاراستنی منداڵ، به‌شی چاودێریی خێزان له به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، له‌گه‌ڵ به‌شی پاراستنی منداڵ له نووسینگه‌ی سلێمانی ڕێكخراوی یونسێف كۆده‌بێته‌وه .
ڕۆژی پێنجشه‌ممه، 4ی شوباتی 2016، به‌شی چاودێریی خێزان كه ئه‌ركی به‌ڕێوبردن‌و سه‌رپه‌رشتیكردنی پڕۆژه‌ی پاراستنی منداڵ بۆ ئاواره‌كانی له ئه‌ستۆیه، له‌گه‌ڵ به‌شی پاراستنی منداڵ له نووسینگه‌ی سلێمانی ڕێكخراوی یونسێف كۆوویه‌وه، له كۆبوونه‌وه‌كه‌دا كاری مانگی كانونی یه‌كه‌می ئه‌مساڵی پڕۆژه‌كه هه‌ڵسه‌نگاندنی بۆ كراو، لایه‌نه به‌هێزو لاوازه‌كانی پڕۆژه‌كه دیاریكراو، هه‌ردوولا جه‌ختیان له‌سه‌ر باشتر جێبه‌جێكردنی پڕۆژه‌كه كرده‌وه .
شایانی باسه پڕۆژه‌ی پاراستنی منداڵ به پاڵپشتی ڕێكخراوی یونسێف له شاره‌كانی سلێمانی‌‌و چه‌مچه‌ماڵ‌و ده‌ربه‌ندیخان له ڕێگه‌ی چوار تیمه‌وه به‌ڕێوه ده‌چێت، تیایدا هاوكاری ده‌روونی‌‌و كۆمه‌ڵایه‌تی‌‌و دارایی ده‌گه‌یه‌نرێته ئه‌و منداڵه ئاواره سوری‌‌و عێراقییانه‌ی پێویستیان به هاوكارییه، پرٍۆژه‌كه ماوه‌ی زیاتر له ساڵێكه له پارێزگای سلێمانی به‌رده‌وامه له كاركردن‌و تیایدا سه‌دان منداڵ‌و خێزان به هۆیه‌وه سودمه‌ندبوون .
له كۆبوونه‌وه‌كه‌دا ئاره‌زوو غه‌فوور، لێپرسراوی به‌شی چاودێری خێزان له دیوانی به‌رێوه‌به‌رایه‌تی گشتی‌‌و ئاراس ناسر، لێپرسراوی هۆبه‌ی توێژینه‌وه له به‌شی پلان‌و پشتیوان موحه‌ممه‌د، لێپرسراوی هۆبه‌ی پاراستنی منداڵ له به‌شی چاودێری خێزان به‌شداربوون‌و له ڕێكخراوی یونسێفیش ئه‌گنیس قه‌ره‌نی، لێپرسراوی پاراستنی منداڵ له نووسینگه‌ی سلێمانی ئاماده‌بوو
|