به‌ڕێوه‌به‌ری گشتی پێشوازی له سه‌رۆكی ڕێكخراوی ستێپ ده‌كات
ڕۆژی دووشه‌ممه، 28ی 8ی 2017، به‌ڕێز م.عومه‌ر گوڵپی، پێشوازیكرد له به‌ڕێز خاتوو ڕه‌یچڵ نیوتن، سه‌رۆكی ڕێكخراوی ستێپ بۆ مافه‌كانی منداڵان.
له‌و دیداره‌دا كۆتا قۆناغه‌كانی نوێكردنه‌وه‌ی پڕۆژه‌ی هاوبه‌شی نێوان وه‌زاره‌تی كارو كاروباری كۆمه‌ڵایه‌تی له‌لایه‌ك‌و ڕێكخراوه‌كانی ستێپ‌و یونسێف له‌لایه‌كی تره‌وه بۆ پشتگیریی له پرۆژه‌ی خێزانی جێگره‌وه گفتوگۆی له‌سه‌ر كرا به‌تایبه‌ت پاش كۆتایی هاتنی قۆناغی یه‌كه‌می پڕۆژه‌كه له كۆتایی مانگی 5ی ئه‌مساڵ.
پڕۆژه‌ی خێزانی جێگره‌وه ماوه‌ی دوو ساڵه له سنوری پارێوگای سلێمانی له قۆناغی ئه‌زموونكردندایه‌و له ڕێگه‌یه‌وه هه‌وڵده‌درێت دامه‌زراوه‌ی كۆمه‌ڵایه‌تی ببێته خاوه‌نی دامه‌زراوه‌یه‌كی به‌هێز بۆ دۆزینه‌وه‌ی خێزانی جێگره‌وه بۆ ئه‌و منداڵانه‌ی خێزانه‌كانیان له‌ده‌ستده‌ده‌ن‌و هیچ خێزانێك نییه له ئامێزیان بگرێت، پرۆژه‌كه‌ش قۆناغی گرنگی بڕیوه‌و له ئێسته‌دا 3 منداڵ له ڕێگه‌ی پڕۆژه‌كه‌وه له خێزانی جێگره‌وه‌دا جێگیركراون‌و 5 خێزانیش په‌سه‌ند كراون بۆ به‌شداری له پرۆسه‌كه‌دا.
|