له دیوانی به‌ڕێوه‌به‌رایه‌تی گشتی كۆبوونه‌وه‌یه‌كی فراوان بۆ چاره‌سه‌ری كێشه كۆمه‌ڵایه‌تییه‌كان به‌ڕێوه‌چوو
ڕۆژی دووشه‌ممه، 21ی 8ی 2017، به سه‌رپه‌رشتی به‌ڕێز خاتوو ئه‌ڵوه‌ن عه‌بدولغه‌فوورو ئاماده‌بوونی به‌ڕێزان نوێنه‌ری 7 ڕێكخراوی ناوخۆی‌‌و بیانی چالاكی بواری مافه‌كانی ئافره‌تان‌و به‌ڕێوه‌به‌ری چاكسازی ژنان‌و نه‌وجه‌وانان‌و به‌رپرسی به‌شه‌كانی پارێزگاری خێزان‌و شه‌ڵته‌ری داڵده‌دانی ئافره‌تانی هه‌ڕه‌شه‌لێكراو، كۆبوونه‌وه‌یه‌كی تایبه‌ت به دۆزینه‌وه‌ی چاره‌سه‌ری گرفته كۆمه‌ڵایه‌تییه‌كان به‌ڕێوه‌چوو.
كۆبوونه‌وه‌ی ئه‌مجاره ته‌رخانبوو بۆ دۆزینه‌وه‌ی چاره‌سه‌ری گرفتی خێزانێك كه به‌هۆی توندوتیژی‌‌و كێشه‌ی كۆمه‌ڵایه‌تی‌‌و هه‌ژارییه‌وه له دۆخێكی خراپ‌و په‌رته‌وازه‌ییدان، بۆ ئه‌و مه‌به‌سته‌ش كۆبوونه‌وه‌كه بڕیاری پێویستی داو ڕێكخراوه‌كان‌و به‌ڕێوه‌به‌رێتییه په‌یوه‌ندیداره‌كان به‌شداری چاره‌سه‌ری كێشه‌كه‌یان كرد.
|