كارمه‌ندانی كۆمه‌ڵایه‌تی هه‌ڵمه‌تێكی پاككردنه‌وه‌ی بیناو باخچه‌و گۆڕه‌پانی فه‌رمانگه‌كه‌یان به‌ڕێوه ده‌به‌ن
ئه‌مڕۆ دووشه‌ممه، 21ی 8ی 2017، كارمه‌ندانی دیوانی به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له‌پارێزگای سلێمانی هه‌ڵمه‌تێكی پاككردنه‌وه‌ی بیناو باخچه‌و گۆڕه‌پانی فه‌رمانگه‌كه‌یان به‌ڕێوه‌برد.
له‌و باره‌یه‌وه هێمن موحه‌ممه‌د، به‌رێوه‌به‌ری نووسینگه‌ی به‌ڕێوه‌به‌ری گشتی به سایتی فه‌رمی به‌ڕێوه‌به‌رایه‌تی گشتیمانی ڕاگه‌یاند: " به‌هۆی كۆنی بینا هه‌روه‌ها تێپه‌ڕبوونی ساڵانێكی زۆر به‌سه‌ر پاك نه‌كردنه‌وه‌ی گشتیگیری بینای فه‌رمانگه‌كه‌مان، ئه‌مڕۆ كارمه‌ندان‌و به‌رپرسانی دیوانی به‌ڕێوه‌به‌رایه‌تی گشتی بڕیاریاندا خۆبه‌خشانه‌‌و دڵسۆزانه ته‌واوی شوێنه ناخاوێنه‌كانی فه‌رمانگه پاك بكه‌نه‌وه، به‌هۆی زۆری كاره‌كه‌ش هه‌ڵمه‌ته‌كه زیاتر له 3 ڕۆژ ده‌خایه‌نێت‌و ئه‌مڕۆ ڕۆژی یه‌كه‌می بوو، سبه‌ی‌‌و دوو سبه‌یش كاری پاككردنه‌وه به‌رده‌وام ده‌بێت‌و سه‌رجه‌م كارمه‌ندانیش هه‌ر له به‌رێوه‌به‌ری گشتیه‌وه تا ته‌واوی كارمه‌ندان به‌شدارده‌بن ".
جێی ئاماژه‌یه هاوشانی هه‌ڵمه‌تی پاككردنه‌وه‌كه كاروباری ڕۆژانه‌ی فه‌رمانگه‌و هاووڵاتیان به‌ڕێوه ده‌چێت‌و هیچ كارێكی فه‌رمانگه ڕانه‌گیراوه.
ئه‌م وێنانه‌ی خواره‌وه به‌شێكن له دیمه‌نه‌كانی هه‌ڵمه‌ته‌كه:
|