له كۆبوونه‌وه‌ی ئاسایی مانگانه‌دا، كاری سه‌رجه‌م به‌شه‌كان گفتوگۆی له‌سه‌ر كرا
به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی كۆبوونه‌وه‌ی ئاسایی به‌ش‌و هۆبه‌كانی به‌ڕێوه‌برد.
ڕۆژی چوارشه‌ممه، 16ی 8ی 2017، به سه‌رپه‌رشتی به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی‌‌و ئاماده‌بووی به‌ڕێزان جێگری به‌ڕێوه‌به‌ری گشتی بۆ كاروباری هونه‌ری‌‌و شاره‌زاكان‌و سه‌رپه‌رشتیاری په‌روه‌رده‌یی‌‌و به‌رپرسی به‌ش‌و به‌رپرسی هۆبه‌كان، دیوانی به‌ڕێوه‌به‌رایه‌تی گشتی كۆبوونه‌وه‌ی ئاسایی ژماره (7)ی ساڵی 2017ی به سه‌ركه‌وتوویی به‌ڕێوه‌برد.
له كۆبوونه‌وه‌كه‌دا به وردی گفتوگۆ له‌سه‌ر به‌رنامه‌و پلانی به‌شه‌كان‌و چۆنییه‌تی به‌ڕێوه‌بردن‌و وه‌ڵامدانه‌وه‌ی كاری ڕۆژانه‌ی هاووڵاتیان‌و كاری به‌ڕێوه‌به‌رێتییه‌كان گفتوگۆی له‌باره‌وه‌كرا‌و به به‌شداری سه‌رجه‌م ئاماده‌بووان گفتوگۆی كێشه‌و گرفته‌كان كراو بۆ چاره‌سه‌ری هه‌ر گرفتێكیش پێشنیاری پێویست گه‌ڵاڵه كراو بڕیاری پێویست درا.
كۆبوونه‌وه‌ی به‌رپرسی به‌ش‌و هۆبه‌كان كۆبوونه‌وه‌یه‌كی ئاسایی مانگانه‌ی به‌ڕێوه‌به‌رایه‌تی گشتییه‌و مانگی جارێك به‌سه‌رپه‌رشتی به‌ڕێوه‌به‌ری گشتی به‌ڕێوه ده‌چێت‌و تیایدا گفتوگۆی كاری ڕۆژانه‌و به‌رنامه‌و پلانی به‌شه‌كان بۆ وه‌رزێك ده‌كرێت‌و بڕیاره‌كان به‌شێوه‌ی زۆرینه‌ی ده‌نگ له دۆخێكی ئازاددا ده‌درێن.
|