به‌رنامه‌ی سه‌ربازێكی ون له كه‌ناڵی ئاسمانی كوردستان 24، ژیان‌و كارو خزمه‌ته‌كانی م.ڕووناك كه‌ریم، ڕاهێنه‌ر له په‌یمانگای هیوای نابیستان ئه‌كاته ته‌وه‌ری به‌رنامه‌ی خۆی‌‌و به بایه‌خه‌وه بۆ بینه‌رانی خۆی ده‌خاته ڕوو و خه‌ڵاتی به‌رنامه‌كه‌ی پێشكه‌ش ده‌كات.
خاتوو ڕووناك كه‌ریم (ته‌مه‌ن 70 ساڵ)، خاوه‌نی 40 ساڵ خزمه‌ته‌و له ڕۆژی 1ی 7ی 2017 كۆتا ڕۆژه‌كانی خزمه‌تی خۆی له بواری كاری كۆمه‌ڵایه‌تیدا به‌سه‌ربردو خانه‌نشین بوو، له به‌رنامه‌كه‌دا تیشك ده‌خاته سه‌ر ساڵانی ته‌مه‌ن‌و كاری به‌رده‌وام‌و دڵسۆزانه‌ی بۆ منداڵانی نابیست‌و دامه‌زراوه كۆمه‌ڵایه‌تییه‌كان.
هه‌ر له به‌رنامه‌كه‌دا، به‌ڕێز م.عومه‌ر گوڵپی له باره‌ی ژیان‌و خزمه‌ته‌كانییه‌وه ده‌ڵێت:" ڕووناك خان یه‌كێك له‌و كادیرانه‌یه كه دڵسۆزانه، شێلگیرانه، هێواش هێواش، چل ساڵ ته‌مه‌نی خۆی له خزمه‌تكردنی كوران‌و كچانی نابیستدا به خه‌رجداوه، به دڵنیاییه‌وه شه‌و و ڕۆژه‌كانی، ڕۆژه‌كانی كاركردنی ده‌یان له‌حزه‌یان تێدایه كه جێگه‌ی شانازی خۆی بن به‌ر له هه‌ركه‌س، وه ئێمه‌ش شانازی به ڕووناك خان‌و كارو خزمه‌ته‌كانییه‌وه ئه‌كه‌ین".
...............
ناوی ته‌واو: ڕووناك كه‌ریم عه‌بدوڵڵا.
ساڵ‌و شوێنی له‌دایكبوون: 1954/ خورماتوو.
باری خێزانی: خێزاندار.
شوێنی كارو ناونیشانی كار: ڕاهێنه‌ر له په‌یمانگای هیوای نابیستان.
ساڵی دامه‌زراندن: 1978 .