به‌ڕێوه‌به‌رایه‌تی گشتی ئامارو زانیاری كارو چالاكییه‌كانی شه‌ش مانگی یه‌كه‌می ئه‌مساڵ ده‌خاته ڕوو
وه‌ك به‌شێك له پابه‌ندی به شه‌فافییه‌ت‌و به‌رچاوڕوونی هاووڵاتیان له ڕێگه‌ی ده‌زگاكانی ڕاگه‌یاندنه‌وه، له كۆنگره‌یه‌كی ڕۆژنامه‌وانیدا، به‌ڕێز م.عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له‌پارێزگای سلێمانی ئه‌مڕۆ دووشه‌ممه، 24ی 7ی 2017، له یازده ته‌وه‌ری جیاوازدا پوخته‌ی كارو چالاكی‌‌و زانیارییه‌كانی شه‌ش مانگی یه‌كه‌می ساڵی 2017 (واته له 1ی 1 تا 30ی 6ی 2017) بۆ ڕایگشتی‌‌و هاووڵاتیان خسته‌ڕوو.
له به شێكی كۆنگره ڕۆژنامه‌وانییه‌كه‌دا، عومه‌ر گوڵپی، سوپاس‌و ده‌ستخۆشی ئاراسته‌ی به‌ڕێوه‌به‌رو به‌رپرس‌و كارمه‌ندانی دڵسۆزی دامه‌زراوه كۆمه‌ڵایه‌تیه‌كان كرد كه دڵسۆزانه هه‌موو پێكه‌وه كار ده‌كه‌ن بۆ درێژه‌دان به پێشكه‌شكردنی خزمه‌ته كۆمه‌ڵایه‌تیه‌كان بۆ منداڵان‌و ئافره‌تان‌و به‌ساڵاچووان‌و خاوه‌ن پێداویستییه تایبه‌ته‌كان‌و بێ خانه‌و لانه‌كان به شێوازی جۆراو جۆر.
زانیاریی‌‌و ئاماره‌كانی به پێی ته‌وه‌رو بواره‌كان به‌مجۆره دابه‌شبوو بوون:
یه‌كه‌م/ خاوه‌ن پێداویستییه تایبه‌ته‌كان.
دووه‌م/ زانیارییه‌كان له‌بواری پاراستنی منداڵ.
سێیه‌م/ له بواری ئافره‌تان‌و داڵده‌دانی ئافره‌تانی هه‌ڕه‌شه‌لێكراو.
چواره‌م/ له بواری پاراستنی به‌ساڵاچووان‌و له خۆگرتنیان.
پێنجه‌م/ له‌بواری ڕاهێنان‌و په‌روه‌رده‌ی تایبه‌تدا.
شه‌شه‌م/ دایه‌نگه‌كان.
حه‌وته‌م/ خول‌و ڕاهێنان‌و ۆرك شۆپه‌كان.
هه‌شته‌م/ چاودێری خێزان.
نۆیه‌م/ پشكنینی لیژنه‌ی تایبه‌تی به‌شی ئه‌ندازیاری بۆ بینا حكومی‌‌و بازرگانی‌‌و گه‌شتیارییه‌كان به پێی شیاوی‌‌و تایبه‌تمه‌ندییان بۆ ژیانی خاوه‌ن پێداویستی تایبه‌ت.
ده‌یه‌م/ بودجه‌و خه‌رجییه‌كان.
یازده‌یه‌م/ صندوقی هاوكاری كۆمه‌ڵایه‌تی (داهات‌و خه‌رجی).