به‌ڕێوه‌به‌رایه‌تی گشتی پێشوازی له وه‌فدێكی بانكی ده‌ولی ده‌كات
به‌مه‌به‌ستی ئاڵوگۆڕكردنی بیروڕاو گفتوگۆ له‌سه‌ر پڕۆژه‌و به‌رنامه‌كانیانه وه‌رگرتنی زانیاری، وه‌فدێكی بانكی ده‌ولی سه‌ردانی به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تییان كردو له‌لایه‌ن به‌ڕێوه‌به‌ری گشتی‌‌و به‌رپرسانی دیوانه‌وه پێشوازیكران.
ڕۆژی یه‌كشه‌ممه، 16ی 7ی 2017، به‌ڕێز م.عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی به ئاماده‌بوونی هه‌ریه‌كه‌له به‌ڕێزان خاتوو ئه‌ڵوه‌ن عه‌بدولغه‌فوور، جێگری به‌ڕێوه‌به‌ری گشتی بۆ كاروباری هونه‌ری‌‌و خاتوو ئاره‌زوو غه‌فوور، به‌رپرسی به‌شی پارێزگاری خێزان‌و كاك سۆران حه‌مه‌سه‌عید، به‌رپرسی به‌شی پلان‌و به‌دواداچوون پێشوازیكرد له وه‌فدێكی بانكی ده‌ولی كه پێكهاتبوو له به‌ڕێزان م.ڕه‌مزی هه‌ماهه‌نگكاری نێوان ڕێكخراوه‌كه‌و وه‌زاره‌تی پلان‌و كاروكاروباری كۆمه‌ڵایه‌تی له حكومه‌تی هه‌رێمی كوردستان‌و هه‌ریه‌كه له خاتوو زه‌ینه‌و خاتوو غه‌رام، كارمه‌ندانی به‌شه‌كانی په‌یوه‌ست به كاری كۆمه‌ڵایه‌تی له بانكی ده‌ولی له واشنتن.
له‌و دیداره‌دا گفتوگۆ له‌سه‌ر پڕۆژه‌ی ڕێكخراوه‌كه كرا له بواری چاكسازی‌‌و به‌رزكردنه‌وه‌ی ئاستی كوالێتی كار به‌جۆرێك ببێته هۆی ئه‌وه‌ی باشتر یارمه‌تییه داراییه‌كان بگه‌نه ده‌ست هه‌ژاران، ئه‌وه‌ش پاش ئه‌زموونكردنی پرۆسه‌ی پیاچوونه‌وه‌ی سودمه‌ندانی چاودێری خێزان له سنوری ده‌شتی هه‌ولێر.
سه‌باره‌ت به پڕۆژه‌و پێشنیاره‌كانی تیمی بانكی ده‌ولی له كوردستان به‌ڕێوه‌به‌ری گشتی ده‌ستخۆشی له تیمه‌كه كردو زانیاریی‌‌و پڕۆژه پێشنیاره‌كانیانی به گرنگ وه‌سفكردو هیوای خواست بانكی ده‌ولی هاوكاری حكومه‌تی هه‌رێم بكات به پشتگیریی ماددی هه‌تا باشتر بتوانێت سیستمی باشتر په‌یڕه‌و بكات كه پێویستی به توانایی زیاترو به‌كارهێنانی ته‌كنه‌لۆجیا هه‌یه.
|