رێژه‌ی ده‌رچوون له په‌یمانگای هیوا و رووناكی له‌سه‌دا سه‌د بوو
قوتابیانی پەیمانگەی هیوای نابیستان و پەیمانگەی رووناكی بۆ نابینایان به‌سه‌ركه‌وتووی توانیان قۆناغی خوێندنی ئه‌مساڵ كۆتایی پێ بهێنن و رێژه‌ی ده‌رچوونیان له‌سه‌دا سه‌دا بوو.
به‌رێوه‌به‌رایه‌تی گشتی چاودێری و گه‌شه‌پێدانی كۆمه‌لاَیه‌تی له پارێزگای سلێمانی - به‌رێوه‌به‌رایه‌تی چاودێری كه‌م ئه‌ندامان كه هه‌ردوو په‌یمانگای هیوا و رووناكی‌له خۆ ده‌گرێت و خاوه‌نی چه‌ند قوتابیه‌كن له تاقیكردنه‌وه‌ی كۆتایی ساڵ به‌سه‌ركه‌وتووی توانیان قۆناغێكی گرنگ ببڕن.
به‌رێز مامۆستا محمدسه‌ید قادر سه‌رپه‌رشتیاری په‌روه‌رده‌ی له دیوانی به‌رێوه‌به‌ریه‌تی گشتی چاودێری و گه‌شه‌پێدانی كۆمه‌لاَیه‌تی له پارێزگای سلێمانی به ماڵپه‌ری به‌رێوه‌به‌رایه‌تی گشتیمانی راگه‌یاند: ئێمه له په‌یمانگای رووناكی بۆ نابینایان (5) قوتابیمان هه‌بوو رێژه‌ی ده‌رچوون تێدا له‌سه‌دا سه‌د بوو كه هه‌ر (5) قوتابیه‌كه توانیویان به سه‌ركه‌وتووی ده‌رچن, له په‌یمانگای هیوای نابیستان (3) قوتابیمان هه‌بوو ئه‌وانیش به‌هه‌مان شێوه توانیویانه‌به‌سه‌ركه‌وتوی تاقیكردنه‌وه‌كان كۆتایی پێ بهێنن و رێژه‌ی ده‌رچوون له‌سه‌دا سه‌د بووه.
به‌رێز مامۆستا محمد سه‌رپه‌رشتیاری په‌روه‌رده‌ی ووتی : ده‌ست خۆشیمان بۆ مامۆستایان و كارماندان و كه‌س وكار و خێزانی قوتابیان هه‌یه كه هاوكار بوون بۆ سه‌رخستنی قوتابیه‌كانیان ,سه‌رپه‌رشتیاری په‌روه‌رده‌ی له‌كۆتایی ووته‌كانی رایگه‌یاند : كه قوتابیان ده‌توانن له په‌یمانگا پیشه‌یه‌كان درێژه به‌خوێندن بده‌ن.
|