حکومەتی هەرێمی کوردستان پشووەکانی جەژنی رەمەزانی راگەیاند
حکومەتی هەرێمی کوردستان پشووەکانی جەژنی رەمەزانی راگەیاند کە لە 25-6-2017 -ەوە دەستپێدەکات و لە رۆژی 2-7-2017 دەوامی فەرمی دەستپێدەکاتەوه.
دەقی پەیامی گوتەبێژی حکومەتی هەرێمی کوردستان
بەبۆنەی هاتنەوەی جەژنی رەمەزانی پیرۆز، پیرۆزباییەكی گەرم لە خانەوادەی شەهیدانی سەربەرز و پێشمەرگە قارەمانەكان و سەرجەم موسڵمانانی كوردستان و عیراق و جیهان دەكەین، بەو هیوایەی ئەو جەژنە ببێتە مایەی خۆشی و كامەرانی و دەرچوون لە گرفت و قەیرانەكان و بەرقەراربوونی تەبایی و یەكڕیزی و بەدیهاتنی ئامانجەكان .
بە هاوڵاتیانی خۆشەویستی هەرێمی كوردستانیش رادەگەیەنین، پشووی جەژن لە دام و دەزگاكانی حكومەتی هەرێمی كوردستان لە رۆژی یەك شەممە 2017/6/25 دەست پێدەكات تا رۆژی پێنج شەمە 2017/6/29 بەردەوام دەبێت و دەوامی فەرمی لە رۆژی یەك شەمە 2017/7/2دەست پێدەكاتەوە.
سەفین موحسین دزەیی
وتەبێژی فەرمی حكومەتی هەرێمی كوردستان
2017/6/21
|