ئه‌نجومه‌نی وه‌زیران ڕه‌زامه‌ندی نیشانداوه له‌سه‌ر خه‌رجكردنی ده‌رماڵه‌ی مامۆستایان
ئه‌نجومه‌نی وه‌زیران ڕه‌زامه‌ندی نیشانداوه له‌سه‌ر خه‌رجكردنی ده‌رماڵه‌ی هاندان بۆ مامۆستایانی سه‌ر به په‌یمانگاو سه‌نته‌ره‌كانی وه‌زاره‌تی كارو كاروباری كۆمه‌ڵایه‌تی هاوشێوه‌ی مامۆستایانی پهروهردهو بڕیاره له ئاینده‌یه‌كی نزیكدا بۆیان خه‌رج بكرێت.
به پێ ئه‌و زانیارییانه‌ی گه‌یشتوونه‌ته به‌ڕێوه‌به‌رایه‌تی گشتیمان، ئه‌نجومه‌نی وه‌زیرانی حكومه‌تی هه‌رێمی كوردستان ڕه‌زامه‌ندی نیشانداوه له‌سه‌ر خه‌رجكردنی ده‌رماڵه‌ی هاندان بۆ مامۆستایانی وه‌زاره‌تی كاروكاروباری كۆمه‌ڵایه‌تی هاوشێوه‌ی مامۆستایانی وه‌زاره‌تی پهروهردهو نووسراوی ڕه‌زامه‌ندییه‌كه‌ش گه‌یشتووته وه‌زاره‌تی كاروكاروباری كۆمه‌ڵایه‌تی، بۆ ئه‌و مه‌به‌سته‌ش وه‌زاره‌تی كارو كاروباری كۆمه‌ڵایه‌تی نووسراویان ئاراسته‌ی وه‌زاره‌تی دارایی كردووه تا بڕیاره‌كه بچێته بواری جێ به‌جێكردنه‌وه‌و وه‌زاره‌تی دارایی فه‌رمانی پێ ده‌ربكات.
ئه‌م ڕه‌زامه‌ندییه بۆ خه‌رجكردنی ده‌رماڵه‌ی هاندان له كاتێكدا دێت كه له ماوه‌ی ڕابرودوودا به‌ڕێوه‌به‌رایه‌تی گشتیمان له ڕێگه‌ی نووسراوه‌وه داوای كرد ده‌رماڵه‌ی هاندان بۆ مامۆستاو توێژه‌رانی په‌یمانگاو سه‌نته‌ره‌كان هاوشێوه‌ی وه‌زاره‌تی په‌روه‌رده خه‌رجبكرێت، بۆ ئه‌و مه‌به‌سته‌ش نووسراوی ئاراسته‌ی هه‌ریه‌كه له وه‌زاره‌تی كارو كاروباری كۆمه‌ڵایه‌تی‌‌و ئه‌نجومه‌نی پارێزگای سلێمانی‌‌و پارێزگاری سلێمانی كرد.
به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌ت له‌پارێزگای سلێمانی، به نوسراوی ژماره(2760) له 16ی 11ی 2016و ژماره (2879)ی 29ی 11ی 2016، كه واژۆی عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له‌پارێزگای سلێمانی له‌سه‌ره، كه ئاراسته‌ی وه‌زاره‌تی كاروكاروباری كۆمه‌ڵایه‌تی‌‌و پارێزگای سلێمانی‌‌و ئه‌نجومه‌نی پارێزگای سلێمانی كردووه، به‌ڕێوه‌به‌رایه‌تی گشتی داوای كرد به‌هه‌مانشێوه‌ی وه‌زاره‌تی په‌روه‌رده ده‌رماڵه‌ی هاندانی بۆ مامۆستایان‌و توێژه‌رانی په‌یمانگاو خوێندنگه‌كانی وه‌زاره‌تی كارو كاروباری كۆمه‌ڵایه‌تیش خه‌رج بكرێت.
|