سەنتەری پاڵپشتی دەروونی - کۆمەڵایەتی  وەکو یەکێک لەتیمە چالاک و جێگرەکانی سلێمانی و بەشێک لە پرۆژەی پاڵپشتی مناڵانی  ئاوارە و پەنابەرانی سوری نێوان رێکخراوی یونسێف و بەرێوەبەرایەتی گشتی چاودێری و گەشەپێدانی کۆمەڵایەتیلە پارێزگای سلێمانی بۆ بە هاناچوونی بەرکەوتوانی جەنگ لەرووی دەروونی و جەستەیی لەماوەیەکی کاتی زۆر کورتدا چەندین چالاکی پێشکەشی سوودمەندانی ناوچەکە کردوەبە جۆرێک بۆتە وێستگەیەک بۆ پاراستنی مناڵان و هۆشیارکردنەوەیان بە مافەکانیان و زانیاری پێدان و بەرزکردنەوەی ئاستی مناڵان لە ڕووی دووبارە خۆ گونجاندنەوەیان لە کۆمەڵگەو پەروەردەکردنیان بە پەروەردەیەکی هاوچەرخ و سەردەمیانە و پرکردنەوەی کاتە بەتاڵەکانیان بە سود وەرگرتن لە ئەزموونی وانە بێژان و سوود وەرگرتن لە توانا و بەهرەی فێرخوازان بایەخدان بەبەهاکان.

پرۆژەی پاڵپشتی دەروونی لەسلێمانی و دەوروبەری بەتایبەت تیمی B لەسلێمانی چەند چالاکیەکی لە هەفتەی دووەمدا لە ڕاپەرین ئەنجامداوە بۆ مناڵان.

بەرێز پشتیوان محمد علی توێژەری کۆمەڵایەتی بۆ بەرێوەبردنی کەیس و ئەندام لە تیمی B لە سەنتەری ڕاپەرین بۆ پاڵپشتی دەروونی و کۆمەڵایەتی مناڵان لە لێدوانێکدا بۆ ماڵپەری گشتیمان ووتی :تیمی ئێمە لە ڕاپەرین چواردە جۆر چالاکی بۆ منداڵان ئەنجام داوە کە بریتین لە :

۱ـ پێکهاتەی دەروونی مرۆڤ لای فرۆید

۲ـ خشتەی هاوڕێیەتی

۳ـ گرنگی پاراستنی ژینگە

٤ـ باوەڕبەخۆبوون

٥ـ ماددەی هۆشبەر

٦ـ سەرەتاکانی فێربوونی ئامێری دەف

۷ـ وێنەکێشان و دەستڕەنگینی

۸ـ وەرزش

۹ـ چالاکی یاریکردن و شکاندنی بەستەڵەک

۱٠ـ هونەری یەکترناسین و پەرەدان بەخولیاکان

۱۱ـ فێربوونی زمانی ئینگلیزی

۱۲ـ پاک و خاوێنی و هەڵمەتی پاکردنەوەی سەنتەر 

۱۳ـ چیرۆک خوێندنەوە

۱٤ـ یاری ژیان

هەروەها بەرێز پشتیوان محمد توێژەری کۆمەڵایەتی ووتی : ئێمە بەردەوام دەبین لە خزمەتکردنی منداڵان بۆ دەرخستنی بەهرەکانیان و کۆکردنەوەیانلەکاتە بەتاڵەکان ، پەروەدەکردنیان بەشێوەیەکی گونجاو.