به‌ڕێوه‌به‌ری گشتی وه‌ڵامی پرسیاره‌كانی ئاماده‌بووانی ۆرك شۆپێك ده‌داته‌وه
ڕۆژی سێشه‌ممه، 30ی 5ی 2017، به‌ڕێز م.عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی به‌شداری كۆتا ڕۆژی ۆرك شۆپی (ڕێكاره پێوانه‌ییه‌كانی كرداری بۆ ڕووبه‌ڕووبوونه‌وه‌ی توندوتیژی سێكسی) كردو وه‌ڵامی پرسیاره‌كانی ئاماده‌بووانی دایه‌وه.
له هه‌مان كاتدا هه‌ریه‌كه له به‌ڕێزان حاكم تاهیر له دادگای سلێمانی‌‌و كاك سه‌ركه‌وت عومه‌ر، به‌ڕێوه‌به‌ری به‌ره‌نگاربوونه‌وه‌ی توندوتیژی دژی خێزانیش به‌شداریی ۆرك شۆپه‌كه‌یان كردو وه‌ڵامی ئه‌و پرسیارانه‌یان دایه‌وه كه له‌لایه‌ن ئاماده‌بووانه‌وه ئاراسته‌یان كرا.
پرسیاره‌كانی ئاماده‌بووانی ۆرك شۆپه‌كه بۆ به‌ڕێوه‌به‌ری گشتی كۆمه‌ڵایه‌تی سلێمانی ده‌رباره‌ی ڕێنماییو یاسا كارپێكراوه‌كانی شه‌ڵته‌ری داڵده‌دانی ئافره‌تانی هه‌ڕه‌شه‌لێكراوو شێوازی مامه‌ڵه له‌گه‌ڵ كه‌یسه‌كان‌و چۆنییه‌تی هاوكاریكردن‌و هه‌ماهه‌نگی نێوان ڕێكخراوه‌كان بوو، له‌و باره‌یه‌وه به‌ڕێوه‌به‌ری گشتی به ته‌واوی ڕوونكردنه‌وه‌ی پێویستی ئاراسته‌ی ئاماده‌بووان كرد.
ۆرك شۆپه‌كه به‌شێكه له كۆمه‌ڵێك هه‌نگاو بۆ ئاماده‌كردنی چه‌ند پڕه‌نسیپ‌و ڕێنماییو سیستمێك كه به‌شێوه‌یه‌كی ستاندار ئه‌و ڕێكاران دیاریبكات كه پێویسته له كاتی وه‌ڵامدانه‌وه‌و پاراستن‌و وه‌رگرتنه‌وه‌ی ماف‌و په‌نادانی ئه‌و ئافره‌تانه له‌لایه‌ن دامه‌زراوه په‌یوه‌ندیداره‌كانه‌وه بگیرێنه به‌ر‌و له‌لایه‌ن ڕێكخراوی UNFPA ه‌وه سه‌رپه‌رشتیده‌كرێت‌و ژماره‌یه‌ك ڕێكخراوی په‌یوه‌ندیدار تیایدا ئاماده‌بوون‌و بۆ ماوه‌ی سێ ڕۆژ به‌رده‌وام بوو.
|