ئه‌و فه‌رمانبه‌رانه‌ی مۆڵه‌تی بێ مووچه‌یان وه‌رگرتووه ده‌توانن داوای هه‌ڵوه‌شاندنه‌وه‌ی بكه‌ن به‌ر له ته‌واوبوونی ماوه‌كه‌ی
به پێی ڕێنمایی ژماره (17)ی 24ی 5ی 2017ی وه‌زاره‌تی دارایی‌‌و ئابوری حكومه‌تی هه‌رێمی كوردستان، ئه‌و فه‌رمانبه‌رانه‌ی مۆمه‌ڵه‌تی بێ مووچه‌یان وه‌رگرتووه ده‌توانن داوای هه‌ڵوه‌شاندنه‌وه‌و پچڕاندنی مۆڵه‌ته‌كانیان بكه‌ن ئه‌گه‌ر هات‌و فه‌رمانگه‌كه‌یان پێویستی پێیان بوو.
له ڕێنماییه‌كه‌دا هاتووه:
1ـ ئه‌و به‌ڕێزانه‌ی مۆڵه‌تی بێ مووچه‌یان پێدراوه به پێی ڕێنماییه‌كانی (4 ، 14)ی 2015 و 23ی ساڵی 2016، ده‌كرێت له‌سه‌ر داوای خۆیان ئه‌م مۆڵه‌ته بپچڕێنن به‌ر له ته‌واو بوونی ماوه‌كه‌ی‌‌و به ڕه‌چاوكردنی پێویستی فه‌رمانگه‌كه‌ی، پچڕاندنی ئه‌م مۆڵه‌ته ته‌نها له ده‌سه‌ڵاتی وه‌زیری په‌یوه‌ندیدار‌و ده‌سته‌ی نه‌به‌ستراو به وه‌زاره‌ت ده‌بێت.
2ـ ئه‌م ڕێنماییه له به‌رواری 17ی 5ی 2017ه‌وه جێ به‌جێده‌كرێت.
|