ئاگاداریەک بۆ کەمئەندامان و چاودێریی خێزان سەبارەت بە بایۆمەتری
ئەو بەڕێزانەی تۆمارن لە لیستەکانی کەمئەندامان و چاودێریی خێزان پێویستە ئاگاداری ئەم زانیاریانە بن سەبارەت بە تۆماری بایۆمەتری:
1ـ ئەو بەڕێزانەی خۆیان تۆمارکردوە لە سیستمی بایۆمەتری لە زووترین کاتدا، کۆدی بایۆمەتری و ناسنامەی باری شارستانی و ناسنامەی تۆڕی پاراستنی کۆمەڵایەتی کۆپی بکەن و بیگەیەنن بە تۆڕی پاراستنی کۆمەڵایەتی سلێمانی و بەڕێوەبەرێتیەکانی چاودێریی کۆمەڵایەتی لە چەمچەماڵ و ڕانیەو دەربەندیخان.
2ـ ئەو بەڕێزانەی پاش دواکەوتن ناویان تۆمارکرا لە فەرمانگەکانمان، لیژنەی باڵای بایۆمەتری ڕەزامەندی پیشانداوە بۆ تۆمارکردنیانە لە بایۆمەتری، بۆیە تا 15ی 6ی 2017 سەردان بکەن وناوی خۆیان تۆماربکەن، لەم شوێنانە:
أ ـ سودمەندانی ناوشاری سلێمانی و قەزاکانی چەمچەماڵ و دەربەندیخان سەردانی بانکی باخان بکەن لە سلێمانی.
ب ـ سودمەندانی ڕانیەو قەڵادزێ سەردانی بنکەی بایۆمەتری بکەن لە قەڵادزێ.
3ـ ئەو بەڕێزانەی تا ئێستا نەهاتوون بۆ تۆماری بایۆمەتری‌‌و ناویشیان تۆمارنەکردووە کۆتا وادە بریتییە لە 10ی 6ی 2017 بۆ تۆمارکردنی ناویان تا ئێمەش داوای ڕەزامەندییان بۆ بکەین لە لیژنەی باڵای بایۆمەتری، لە دوای ئەو بەروارەوە خۆیان بەرپرسن لە دواکەوتن.
راگەیاندنی بەرێوەبەرایەتی گشتی چاودێری و گەشەپێدانی کۆمەڵایەتی لەپارێزگای سلێمانی
24 ی 5ی 2017