+ وێنه: په‌یمانگای ئاوات پێشانگایه‌كی شێوه‌كاری تایبه‌ت به منداڵانی (داون) ده‌كاته‌وه
ڕۆژی چوارشه‌ممه، 24ی 5ی 2017، به ئاماده‌بوونی به‌ڕێز م.عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له‌پارێزگای سلێمانی‌‌و خاتوو ئاشتی نوری، به‌ڕێوه‌به‌ری چاودێریی كه‌مئه‌ندامان‌و ژماره‌یه‌ك له به‌ڕێوه‌به‌رو به‌رپرس‌و مامۆستاو كارمه‌ندانی په‌یمانگاو سه‌نته‌ره‌كان‌و ژماره‌یه‌ك له باوك‌و دایكی منداڵانی سودمه‌ندی په‌یمانگا، په‌یمانگای ئاوات بۆ په‌روه‌رده‌ی مێشك پێشانگایه‌كی شێوه‌كاری تایبه‌ت به منداڵانی (داون) ی په‌یمانگا كرده‌وه.
پێشانگاكه پێكهاتبوو له وێنه‌و كاری ده‌ستی منداڵانی په‌یمانگا كه تیایدا تواناو هونه‌رو به‌هره‌ی خۆیاین به پشتیوانی مامۆستاكانیان زۆر به جوانی خستبوویه ڕوو، به‌جۆرێك به‌ڵگه‌ی توانایی تایبه‌تی منداڵانی داون‌و دواكه‌وتووانی ژیریی بوو ئه‌گه‌ر كۆمه‌ڵگه‌و ده‌وروبه‌ر هاوكارو پشتیوانیان بێت.
له وته‌یه‌كیدا، به‌ڕێوه‌به‌ری گشتی ده‌ستخۆشی له به‌ڕێوه‌به‌رو ستافی مامۆستایان‌و كارمه‌ندانی په‌یمانگا كرد به تایبه‌ت مامۆستا (ساز ئه‌دیب) سه‌رپه‌رشتیاری پێشانگاو مامۆستای وانه‌ی هونه‌ری په‌یمانگا كه پشتیوانی منداڵه‌كان بوون بۆ پیشاندانی به‌هره‌و تواناكانیان، هه‌روه‌ك هیوای خواست له ساڵی ئاینده‌دا كاری باشتری په‌یمانگا ببینین، هه‌روه‌ك هیوای خێرو خۆشیشی بۆ منداڵان‌و قوتابیانی په‌یمانگا خواست.
|