په‌یمانگای ئاوات سیمینارێك ده‌رباره‌ی بنه‌ماكانی كاری كۆمه‌ڵایه‌تی به‌ڕێوه‌ده‌بات
ڕۆژی سێشه‌ممه، 2ی 5ی 2017، له پێناو به‌هێزكردنی تواناكانیاندا، په‌یمانگای ئاوات بۆ په‌روه‌رده‌ی مێشك هه‌ستا به به‌ڕێوه‌بردنی سیمینارێك بۆ ستاف‌و ڕاهێنه‌رو مامۆستایانی.
سیمیناره‌كه به‌ناونیشانی (بنه‌ماكانی كاری كۆمه‌ڵایه‌تی) له‌لایه‌ن م.شۆخان مه‌حمود، مامۆستای به‌شی كاری كۆمه‌ڵایه‌تی له زانكۆی سلێمانی وترایه‌وه، ئاماده‌بووانیش به پرسیارو بۆچوون به‌شداربوون له سیمیناره‌كه‌دا.
جێی ئاماژه‌یه ئه‌م سیمیناره به‌شێكه له‌‌و پلانه‌ی به‌ڕێوه‌به‌رایه‌تی چاودێریی كه‌مئه‌ندامان به پاڵپشتی به‌ڕێوه‌به‌رایه‌تی گشتی به‌ڕێوه‌ی ده‌بات بۆ ڕاهێنان‌و به‌هێزكردنی زیاتری كارمه‌ندان له بواری كاری كۆمه‌ڵایه‌تیدا.
|