+ وێنه .. دایه‌نگه‌ی گوڵه مێخه‌ك فیستیڤاڵ‌و پێشانگای ساڵانه‌ی خۆی ده‌كاته‌وه
+ وێنه .. دایه‌نگه‌ی گوڵه مێخه‌ك فیستیڤاڵ‌و پێشانگای ساڵانه‌ی خۆی ده‌كاته‌وه
ڕۆژی شه‌ممه، 29ی 4ی 2017، به ئامادبوونی به‌ڕێز م.عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و ژماره‌یه‌ك له دایك‌و باوكی منداڵ‌و ستافی دایه‌نگه‌كه، دایه‌نگه‌ی (گوڵه مێخه‌كی ناحكومی) پێشانگاو فیستیڤاڵی ساڵانه‌ی خۆی له هۆڵی ته‌وار به‌ڕێوه‌برد.
فیستیڤاڵه‌كه پێكهاتبوو له دوو به‌شی چالاكی هونه‌ری‌‌و كردنه‌وه‌ی پێشانگای به‌رهه‌می وێنه‌كێشان‌و كاری ده‌ستی منداڵانی ته‌مه‌ن 3- 4 ساڵ‌و به‌بۆنه‌ی كۆتایی هاتنی قۆناغی دایه‌نگه‌ی ژماره‌یه‌ك منداڵی دایه‌نگه‌و به‌ڕێكردنیان بۆ باخچه‌ی ساوایان ڕێكخرابوو.
له وته‌یه‌كیی نووسراویدا بۆ یاداشتی یاده‌وه‌ری فیستیاڵ‌و پێشانگاكه، به‌ڕێز به‌ڕێوه‌به‌ری گشتی ده‌ستخۆشی له به‌ڕێوه‌به‌رو ستافی دایه‌نگه‌ی گوڵه مێخه‌ك كرد به‌هۆی گرنگیدانیان به چالاكییه جۆراوجۆره‌كان بۆ منداڵ‌و سازدانی زیاد له بۆنه‌یه‌ك بۆ منداڵانی دایه‌نگه به‌درێژایی ساڵێكی كار، هه‌روه‌ك هیوای خواست له ئاینده‌دا كاری باشتریان لێ ببێنێت بۆ خزمه‌تی منداڵان.
دایه‌نگه‌ی گوڵه مێخه‌ك یه‌كێك له دایه‌نگه ناحكومییه‌كانه كه ده‌كه‌وێـته گه‌ڕه‌كی ریعایه‌ی شاری سلێمانی‌‌و ساڵانه له بۆنه جیاوازه‌كاندا كارو چالاكی هه‌مه‌چه‌شنه بۆ منداڵان ڕێكده‌خات.
|