به‌ڕێوه‌به‌رایه‌تی گشتی كۆبوونه‌وه‌ی مانگانه‌ی خۆی ئه‌نجامده‌دات‌و پلان‌و كاره‌كانی هه‌ڵده‌سه‌نگێنێت
له چوارچێوه‌ی كاره‌كانیدا، به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی كۆبوونه‌وه‌ی ئاسایی مانگانه‌ی خۆی ئه‌نجامدا.
ئه‌مڕۆ سێشه‌ممه، 25ی 4ی 2017، به سه‌رپه‌رشتی به‌ڕێز م.عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌لایه‌تی له پارێزگای سلێمانی‌‌و ئاماده‌بوونی جێگرانی به‌ڕێوه‌به‌ری گشتی‌‌و شاره‌زاكان‌و به‌ڕێوه‌به‌ری كارگێڕی‌‌و به‌رپرسی به‌شه‌كانی دیوان، كۆبوونه‌وه‌ی ئاسایی مانگانه به‌ڕێوه‌چوو.
له كۆبوونه‌وه‌كه‌دا به‌ڕێز به‌ڕێوه‌به‌ری گشتی وته‌یه‌كی پێشكه‌شكردو گرنگترین ئه‌و زانیارییانه‌ی پێویست بوو بۆ ئاماده‌بووانی خسته‌ڕوو، هه‌روها ده‌ستخۆشی له هه‌ردوو به‌ڕێوه‌به‌رێتی كارگێڕی‌‌و به‌شی ژمێریاریی كرد كه به‌ره‌وپێشچوون له كاره‌كانیاندا دیاره‌و هیوای سه‌ركه‌وتنیشی بۆ سه‌رجه‌م به‌شه‌كان خواست له خزمه‌تكرنی هاووڵاتیان‌و به‌ڕێكردنی كاری به‌ڕێوه‌به‌رێتییه‌كان‌و به‌دیهێنان‌و جێ به‌جێكردنی پلانه وه‌رزییه‌كه‌یاندا.
دواتر هه‌ریه‌كه له ئاماده‌بووان‌و به‌رپرسی به‌شه‌كان وته‌و ڕاپۆرتی خۆیان سه‌باره‌ت به كارو پلانه‌كان‌و گرفته‌كانی سه‌ر ڕێگه‌ی كاره‌كانیان خسته ڕوو، له كۆبوونه‌وه‌كه‌دا ژماره‌یه‌ك بڕیار له به‌رژه‌وه‌ندی باشتر به‌ڕێوه‌چوونی كاره‌كان دران‌و رۆژی 24ی 5 بۆ ئه‌نجامدانی كۆبوونه‌وه‌ی داهاتوو دیاریكرا.
|