به‌شی دایه‌نگه‌كان خولێكی تایبه‌ت به ستافی دایه‌نگه‌كان به‌ڕێوه ده‌بات
به‌شی دایه‌نگه‌كان له دیوانی به‌ڕێوه‌به‌رایه‌تی گشتی خولێكی تایبه‌ت به ڕاستكردنه‌وه‌ی ڕه‌فتاری منداڵ ده‌كاته‌وه‌و 20 كارمه‌ند له ستافی دایه‌نگه‌كان به‌شداری تێدا ده‌كه‌ن‌و به‌ڕێوه‌به‌ری گشتیش خوله‌كه به‌سه‌رده‌كاته‌وه.
ڕۆژی دووشه‌ممه، 24ی 4ی 2017، به‌شی دایه‌نگه‌كان به‌هاوكاری به‌شی پلان هه‌ستا به كردنه‌وه‌ی خولێكی تایبه‌ت به چۆنییه‌تی ناسینه‌وه‌ی ڕه‌فتاری منداڵ به‌تایبه‌ت زانینی هۆكاره‌كانی درۆ لای منداڵ‌و چۆنییه‌تی فێركردنی به ڕاست وتن، خوله‌كه‌ش له‌لایه‌ن م.ئاراس ناسر، شاره‌زا له بواری ده‌روونی وترایه‌وه‌‌و به‌شداربووانیش 20 كارمه‌ند بوون له ستافی دایه‌نگه‌كان.
به‌ڕێز م.عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له‌پارێزگای سلێمانی له سه‌ردانێكیدا بۆ ڕاهێنانه‌كه ده‌ستخۆشی له ئاماده‌كاران‌و مامۆستای خوله‌كه‌و به‌شداربووان كرد، هه‌روه‌ك گرنگی خول‌و ڕاهێنانه‌كانی بۆ ئاماده‌بووان ڕوونكرده‌وه‌و داوای لێكردن به بایه‌خه‌وه به‌شداری بكه‌ن‌و بۆ ئه‌وه‌ی ئه‌وه‌ی فێریده‌بن‌و له‌سه‌ر ڕاده‌هێنرێن كاریگه‌ری له‌سه‌ر كاری ڕۆژانه‌یان هه‌بێت‌و ئاستی دایه‌نگه‌كانیان به‌رزتر بكاته‌وه.
ئه‌م خوله به‌شێكه له‌و زنجیره خول‌و ڕاهێنانانه‌ی به‌شه‌كانی دیوانی به‌ڕێوه‌به‌رایه‌تی گشتی گرنگی پێده‌ده‌ن‌و وه‌ك به‌رنامه كاری له‌سه‌ر ده‌كه‌ن.
|