له كۆبوونه‌وه‌ی ئاسایی مانگانه‌دا ڕاپۆرتی به‌شه‌كان تاوتوێكران
ئه‌مرۆ یه‌كشه‌ممه، 26ی 3ی 2017، یه‌كه‌م ڕۆژی ده‌وامی ساڵی نوێی 2717ی كوردی‌‌‌و پاش پشوی نه‌ورۆز، به ئاماده‌بوونی به‌رێوه‌به‌ری گشتی‌‌و جێگرانی به‌ڕێوه‌به‌ری گشتی‌‌و به‌ڕێوبه‌رو به‌رپرسی سه‌رجه‌م به‌شه‌كانی دیوان، كۆبوونه‌وه‌ی ئاسایی دیوانی به‌ڕێوه‌به‌رایه‌تی گشتی چاودێریو گه‌شه‌پێدانی كۆمه‌ڵایه‌تی له پارێزگای سلێمانی به‌ڕێوه‌چوو.
له كۆبوونه‌وه‌كه‌دا پاش وته‌ی به‌ڕێز م.عومه‌ر گوڵپی، به‌ڕێوه‌به‌ری گشتی، هه‌ریه‌كه له به‌شه‌كانی دایه‌نگه‌كان، پلان، پارێزگاری خێزان، ئه‌ندازیاری ڕاپۆرتی مانگانه‌ی خۆیان خسته‌ڕوو كه تیایدا ڕێژه‌ی كاری ئه‌نجامدراوی پلانی سێ مانگی خۆیان بۆ ئاماده‌بووان ڕوونكرده‌وه‌و به‌شداربووانیش به ڕاو سه‌رنجه‌كانیان گفتوگۆی ڕاپۆرته‌كانیان كرد.
یه‌كێك له ته‌وه‌ره‌كانی كۆبوونه‌وه‌كه گفتوگۆی ئاماده‌بووان بوو سه‌باره‌ت به په‌یكه‌ری نوێی دیوانی به‌ڕێوه‌به‌رایه‌تی گشتی‌‌و به‌ڕێوه‌به‌رێتییه‌كانی سنوری كار، هه‌روه‌ها گه‌ڵاڵه‌كردنی بۆچوونه‌كان له‌سه‌ر ئه‌و كه‌م‌و كورتیانه‌ی له په‌یكه‌ره‌كه‌دا هه‌ن هه‌تا ئاراسته‌ی وه‌زاره‌ت بكرێنه‌وه به‌جۆرێك ده‌رفه‌تی خزمه‌تی كۆمه‌لایه‌تی باشتر بڕه‌خسێت.
|