به‌رێوه‌به‌رایه‌تی گشتی چاودێری و گه‌شه‌پێدانی كۆمه‌ڵایه‌تی ماڵپه‌ری فه‌رمی خۆی راگه‌یاند
به‌رێوه‌به‌رایه‌تی گشتی چاودێری و گه‌شه‌پێدانی كۆمه‌ڵایه‌تی ماڵپه‌ری فه‌رمی خۆی راگه‌یاند.
ئه‌مرۆ دووشه‌ممه، 18ی كانونی دووه‌می 2016، له مه‌راسیمێكی تایبه‌تدا له هۆڵی بۆنه‌كان له دیوانی به‌ڕێوه‌به‌رایه‌تی گشتی، به به‌سه‌رپه‌رشتی عومه‌ر گوڵپی، به‌ڕێوه‌به‌ر ی گشتیو ژماره‌یه‌ك له به‌رپرسان‌و كارمه‌ندانی دیوانی به‌ڕێوه‌به‌رایه‌تی گشتیو به‌ڕێوه‌به‌رێتییه‌كانی تری سه‌ر به به‌ڕێوه‌به‌رایه‌تی گشتیو دامه‌زراوه كۆمه‌ڵایه‌تییه‌كان، به‌رێه‌وه‌به‌رایه‌تی گشتی ماڵپه‌ری فه‌رمی خۆیی راگه‌یاند .
له‌‌و بۆنه‌یه‌دا، عومه‌ر گوڵپی، به‌ڕێوه‌به‌ری گشتی وته‌یه‌كی پێكه‌شكردو له وته‌كه‌یدا باسی له گرنگی‌‌و بایه‌خی ته‌كنه‌لۆجیای زانیاریی كرد له بواری به‌ڕێوه‌بردن‌و به‌هێزكردنی شه‌فافییه‌ت‌و كارئاسانی بۆ هاووڵاتیان، هه‌روه‌ك هیواشی خواست ئه‌م بارودۆخه خراپه‌ی ئێسته باڵی به‌سه‌ر كوردستان‌و ژیانی خه‌ڵكیدا كێشاوه به زوویی چاره‌سه‌ر ببێت هه‌تا دامه‌زراوه كۆمه‌ڵایه‌تییه‌كان بتوانن ڕۆڵی خۆیان بگێڕن له خزمه‌تكردنی هاووڵاتیانی خاوه‌ن پێداویستی تایبه‌ت‌و ئه‌و كه‌سانه‌ی پێویستیان به خزمه‌تگوزارییه كۆمه‌ڵایه‌تییه‌كان هه‌یه .
هه‌روه‌ها له ته‌وه‌رێكی تری بۆنه‌كه‌دا، ئالان كه‌ریم لێپرسراوی هۆبه‌ی ڕاگه‌یاندن له دیوانی به‌ڕێوه‌به‌رایه‌تی گشتیو سه‌رپه‌رشتیاری پڕۆژه‌كه تیشكی خسته سه‌ر قۆناغه‌كانی دروستكردنی پڕۆژه‌كه‌و ئه‌ركی دامه‌زراوه كۆمه‌ڵایه‌تییه‌كان له به‌رانبه‌ر به‌هێزكرن‌و نوێكردنه‌وه‌ی زانیارییه‌كان تیایدا .
|