كارمه‌ندانی به‌ڕێوه‌به‌رایه‌تی گشتی له‌سه‌ر سفره‌ی نه‌ورۆزو به‌هار كۆبوونه‌وه
به‌بۆنه‌ی هاتنی نه‌ورۆزو ساڵی نوێی كوردی‌‌و وه‌رزی به‌هاره‌وه، به‌رپرس‌و كارمه‌ندانی دیوانی به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی بۆنه‌یه‌كی تایبه‌تیان ڕێكخست‌و له دروستكردنی كارمه‌نده‌كان خۆیان سفره‌و خوانی نه‌ورۆز كۆیكردنه‌وه.
له سه‌ره‌تای مه‌راسیمه‌كه‌دا هه‌ریه‌كه له به‌ڕێزان م.عومه‌ر گوڵپی، به‌ڕێوه‌به‌ری گشتی‌‌و خاتوو ئاشتی ئیبراهیم، جێگری به‌ڕێوه‌به‌ری گشتی بۆ كاروباری كارگێڕی وته‌یه‌كیان پێشكه‌شكرد‌و پیرۆزبایی نه‌ورۆزو ساڵی نوێیان له كارمه‌ندان كرد.
له وته‌كه‌یدا به‌ڕێوه‌به‌ری گشتی سه‌ره‌ڕای پیرۆزبایی نه‌ورۆزو ساڵی نوێی كوردی وتی :" هیواخوازم هه‌ر ساڵێك نزیكترمان كاته‌وه له خه‌ونی گه‌له‌كه‌مان كه دروستكردنی ده‌وڵه‌ت‌و سه‌ربه‌خۆییه، به‌ڵام ئه‌و خه‌ونه بریتی نییه له دروشم‌و له‌سه‌رمان پێویست ده‌كات كاربكه‌ین‌و به كرده‌وه بیسه‌لمێنین دڵسۆزو خه‌مخۆری وڵات‌و گه‌لی خۆمانین".
جێی ئاماژه‌یه مه‌راسیمه‌كه هاوكات بوو له‌گه‌ڵ به‌رده‌وامی ده‌وام‌و كاركردنی ئه‌م ڕۆ یه‌كشه‌ممه، 19ی 3ی 2017، له هه‌مانكاتدا هه‌ر كه‌سێك به هه‌ر كارێك ڕوویكردبێته به‌ڕێوه‌به‌رایه‌تی گشتی بووه‌ته میوانی ئه‌م بۆنه‌و سفره‌و خوانه.
|