ۆرك شۆپی به‌ڕێوه‌به‌ردنی باش له بواری دامه‌زراوه‌ی كۆمه‌ڵایه‌تی له‌شاری هه‌ولێر به‌ڕێوه ده‌چێت
پاش چوار ساڵ له كاركردن له بواری ڕاهێنان بۆ به‌ڕێوه‌بردنی باش له‌بواری دامه‌زراوه‌ی چاودێریی كۆمه‌ڵایه‌تیدا بۆ هه‌ردوو پارێزگای دهۆك له هه‌رێمی كوردستان‌و پارێزگای دیوانیه، ئه‌مڕۆ له شاری هه‌ولێر له دیدارێكدا له‌شاری هه‌ولێر سه‌رجه‌م ئه‌و ده‌ستكه‌وتانه ده‌خرێنه ڕوو كه پڕۆژه‌كه به‌ده‌ستی هێناوه.
پرۆژه‌كه له‌لایه‌ن ڕێكخراوی سویدی نێوده‌وڵه‌تی (SKL) ه‌وه سه‌رپه‌رشتی ده‌كرێت‌و له ساڵی 2010 ده‌ستی پێكردووه‌و له‌م ۆرك شۆپه‌دا گرنگترین ئه‌نجامه‌كانی ده‌خرێنه ڕوو.
له ۆرك شۆپه‌كه‌دا هه‌ریه‌كه له به‌ڕێزان د.موحه‌مه‌د هاودیانی وه‌زیری كارو كاروباری كۆمه‌ڵایه‌تی‌‌و م.عومه‌ر گوڵپی، به‌ڕێوه‌به‌ری گشتی‌چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی به‌شدارن، سه‌ره‌رای به‌شداری ژماره‌یه‌ك له به‌رپرس‌و به‌ڕێوه‌به‌رو كارمه‌ندانی په‌یوه‌ندیدار له هه‌ردوو پارێزگای ناوبراو.
له وته‌یه‌كیدا به‌ڕێز د. موحه‌ممه‌د هاودیانی له‌سه‌ره‌تای ۆرك شۆپه‌كه‌دا ده‌ستخۆشی له ڕێكخراوی پاڵپشتی پڕۆژه‌كه كردو سوپاسی خه‌ڵك‌و حكومه‌تی سویدیكرد بۆ هاوكارییه‌كانیان بۆ هه‌رێمی كوردستان، هه‌روه‌ها هیوای خواست ئه‌م قۆناغه‌ی پڕۆژه‌كه‌ی پێدا تێپه‌ڕ ده‌بێت قۆناغی خۆ ئاماده‌كردن بێت بۆ ئه‌نجامی باشتر له داهاتوودا له بواری پێشكه‌شكردنی خزمه‌تگوزاری كۆمه‌ڵایه‌تی، هه‌روه‌ك ئاماژه‌یه‌ك به به‌رناكه‌و كاره‌كانی وه‌زاره‌ت دا له بواری ڕاهێنان‌و گرنگیدان به نوێكردنه‌وه كارو چاككردنی كه‌م‌و كورتییه‌كان له بواری كاری وه‌زاره‌تی كاروكاروباری كۆمه‌ڵایه‌تی، هه‌روه‌ك ئاماژه‌ی به‌و بارگرانی‌‌و گرفتانه كرد كه بوونه‌ته هۆی كه‌مبوونه‌وه‌ی خزمه‌تگوارییه‌كانی حكومه‌ت له بواری جیاجیادا به‌تایبه‌ت شه‌ڕی تیرۆریستانی داعش‌و هاتنی ژماره‌یه‌كی زۆری ئاواره.
بڕایره ۆرك شۆپه‌كه چوار سه‌رعات بخایه‌نێت‌و پڕۆژه‌كه‌ش له‌سه‌ر ڕه‌زامه‌ندی حكومه‌تی سویدی بۆ چوار ساڵی ئاینده درێژ ده‌كرێته‌وه.
|