لیژنه‌ی هه‌ڵسه‌نگاندنی خه‌ڵاتی خاوه‌ن به‌هره تایبه‌ته‌كان كۆبوویه‌وه
ڕۆژی چوارشه‌ممه، 1ی 3ی 2017، یه‌كه‌مین كۆبوونه‌وه‌ی لیژنه‌ی هه‌ڵسه‌نگاندنی (خه‌ڵاتی خاوه‌ن به‌هره تایبه‌ته‌كان) به ئاماده‌بوونی سه‌رجه‌م ئه‌ندامه‌كانی یه‌كه‌مین كۆبوونه‌وه‌ی خۆی له به‌ڕێوه‌به‌رێتی چاودێریی كه‌مئه‌ندامان ئه‌نجامدا.
له‌تیف شێخ عه‌زیز، سه‌رۆكی لیژنه‌ی هه‌ڵسه‌نگاندنی خه‌ڵاتی خاوه‌ن به‌هره تایبه‌ته‌كان، به وێبسایتی فه‌رمی ڕاگه‌یاند:" لیژنه‌كه‌مان به فه‌رمانێكی كارگێری به‌ڕێوه‌به‌رایه‌تی گشتیمان دروستبووه‌و پێكهاتووه له مامۆستایانی شاره‌زا له په‌روه‌رده‌ی تایبه‌ت له چوارچێوه‌ی دامه‌زراوه‌ی كۆمه‌ڵایه‌تیداو چه‌ند كه‌سایه‌تییه‌كی شاره‌زا‌و ئه‌كادیمی‌‌و ئه‌ركمان هه‌ڵسه‌نگاندن ده‌بێت بۆ ئه‌و سڤییانه‌ی پێشكه‌ش كراون بۆ چوونه نێو كێبركێكه‌وه‌و ئه‌مڕۆ یه‌كه‌م كۆبوونه‌وه‌مان ئه‌نجامدا".
خه‌ڵاتی خاوه‌ن به‌هره تایبه‌ته‌كان، خه‌ڵاتێكی تایبه‌تی به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تییه له پارێزگای سلێمانی له بواری گه‌شه‌پێدانی كۆمه‌ڵایه‌تیداو تایبه‌ته بهو هاووڵاتیه خاوه‌ن پێداویستییه تایبه‌تانه‌ی كه خاوه‌ن به‌هره‌یه‌كی تایبه‌تن‌و توانیوینه جێی خۆیان له ژیانی خێزان‌و كۆمه‌ڵگه‌كه‌یاندا بكه‌نه‌وه.
|